दोन कुटुंबं, एक गोंधळ आणि भरपूर धमाल ! ‘सुपर डुपर’चा टीझर चर्चेत

        दोन कुटुंबं, एक गोंधळ आणि भरपूर धमाल !         ‘सुपर डुपर’चा टीझर चर्चेत 

झी स्टुडिओज प्रस्तुत ‘सुपर डुपर’ या बहुचर्चित मल्टिस्टारर आणि कौटुंबिक महासोहळ्याच्या चित्रपटाचा टीझर नुकताच प्रदर्शित झाला असून प्रेक्षकांची उत्सुकता आता चांगलीच शिगेला पोहोचली आहे. पोस्टरपासूनच या चित्रपटाची चर्चा रंगली होती आणि आता या टीझरने त्या उत्सुकतेत आणखी भर घातली आहे. यंदाच्या उन्हाळ्याच्या सुट्ट्यांमधील ही खास मनोरंजनाची मेजवानी ठरणार असून, भव्यदिव्य स्टारकास्ट असलेला हा कौटुंबिक सिनेमा ३ एप्रिल रोजी प्रेक्षकांच्या भेटीला येत आहे. लहानांपासून ज्येष्ठांपर्यंत संपूर्ण कुटुंबाने एकत्र येऊन अनुभवावा, असा हा चित्रपट असल्याची झलक टीझर देतो.

टीझरमध्ये पारंपरिक आणि आधुनिक अशा दोन भिन्न कुटुंबांची झलक पाहायला मिळते. एका बाजूला परंपरा जपणारे कुटुंब, तर दुसऱ्या बाजूला आधुनिक विचारांची तरुण जोडी, दोघेही काहीतरी ‘प्लॅन’ आखताना दिसत आहेत. नेमका हा प्लॅन कशासाठी आहे? हा गोंधळ नेमका कशाचा आहे? या दोन विचारसरणींची टक्कर कोणत्या वळणावर जाऊन भिडणार आहे? या सगळ्या प्रश्नांची उत्तरं मात्र चित्रपट प्रदर्शित झाल्यावरच उलगडणार आहेत.

एका घराच्या उंबरठ्यावर उभा राहिलेला हा संघर्ष केवळ दोन कुटुंबांची नसून दोन पिढ्यांचा, दोन विचारसरणींचा आणि दोन जीवनशैलींचा आहे, हे टीझरमधून दिसतेय.

नाईंटी नाईन प्रॉडक्शन्स आणि सिद्धिविनायक प्रॉडक्शन्स निर्मित या चित्रपटाचे लेखन, दिग्दर्शन समीर आशा पाटील यांनी केले आहे. विजय शिंदे आणि नरेश बोर्डे या चित्रपटाचे निर्माते असून उमेश कुमार बन्सल आणि बवेश जानवलेकर सादरकर्ते आहेत. तर छायांकन संजय जाधव यांनी केले आहे. या चित्रपटात निर्मिती सावंत, शशांक शेंडे, हृषिकेश जोशी, नम्रता संभेराव, कुशल बद्रिके, प्रतीक्षा कोते यांच्यासह ललित प्रभाकर आणि विदुला चौगुले मुख्य भूमिकेत झळकणार आहेत. एवढ्या भल्या मोठ्या कलाकारांच्या फौजेमुळे ‘सुपर डुपर’ हा खऱ्या अर्थाने मल्टिस्टारर ठरणार असून, प्रत्येकाची वेगळी शैली आणि विनोदी टायमिंग चित्रपटाला अधिक रंगतदार बनवणार आहे.

दिग्दर्शक समीर आशा पाटील म्हणतात,

“टीझर हा आमच्या चित्रपटाच्या स्वभावाची पहिली खरी झलक आहे. एका घरातल्या दोन भिन्न विचारसरणी जेव्हा समोरासमोर येतात, तेव्हा निर्माण होणारा गोंधळ, विनोद आणि त्यामागची भावनिक बाजू आम्ही हलक्या-फुलक्या पद्धतीने मांडली आहे. ‘सुपर डुपर’ हा विनोदी चित्रपट आहे, याशिवाय नात्यांमधल्या आपुलकीचा, पिढ्यांमधल्या अंतराचा आणि त्या अंतरावर मात करण्याच्या प्रवासाचा चित्रपटही आहे. प्रेक्षकांनी संपूर्ण कुटुंबासह थिएटरमध्ये येऊन हा अनुभव घ्यावा, हीच अपेक्षा.”

या चित्रपटाबद्दल झी स्टुडिओज् मराठीचे व्यवसाय प्रमुख बवेश जानवलेकर म्हणाले की, ‘’ ‘सुपर डुपर’ ही अतिशय वेगळ्या धाटणीची धमाल कौटुंबिक कथा आहे . यातील एकाहून एक मातब्बर कलाकारांची फौज हे या चित्रपटाचं बलस्थान आहे. लेखन, दिग्दर्शन, संगीत आणि निर्मिती मूल्ये या सर्वच पातळ्यांवर हा चित्रपट सरस झाला आहे. यामुळे यंदाच्या उन्हाळ्याच्या सुट्टीत मनोरंजनाचं एक परिपूर्ण पॅकेज यातून प्रेक्षकांना मिळेल हे नक्की."

पोस्टरनंतर आता टीझरनेही सोशल मीडियावर जोरदार चर्चा रंगवली असून ३ एप्रिलपासून ‘सुपर डुपर’ प्रेक्षकांच्या मनावर कब्जा करण्यासाठी सज्ज झाला आहे. यंदाच्या उन्हाळ्यातील हा कौटुंबिक महासोहळा ठरणार, यात शंका नाही.

26th Annual Conference of the Indian Society of Extracorporeal Technology begins at Mumbai

26th Annual Conference of the Indian Society of Extracorporeal Technology begins at Mumbai

Mumbai, 27 February 2026 – The 26th Annual National Conference of the Indian Society of Extracorporeal Technology (ISECT), ISECTCON 2026, was inaugurated today at Hotel Aurika Mumbai Sky City in the presence of leading cardiac care specialists, perfusionists, healthcare professionals and dignitaries.

Centered on the theme “Next-Gen Perfusion: AI, Robotics, and Personalized Care,” the two-day conference has brought together experts from across India and overseas to discuss how technology is transforming cardiac surgery and critical care.

While the term “heart surgeon” is widely understood, the role of a perfusionist remains largely unknown to the public. A perfusionist is the trained healthcare professional who operates the heart-lung machine during open-heart surgery. When a surgeon temporarily stops the heart to perform a procedure, it is the perfusionist who ensures that oxygen-rich blood continues to circulate throughout the patient’s body. Their role is crucial not only in heart surgeries but also in life-support systems such as ECMO, which supports patients with severe heart or lung failure.

Despite being central to life-saving procedures, perfusionists often work behind the scenes, receiving limited public recognition. ISECTCON 2026 seeks to bridge this awareness gap, while also addressing the need for stronger professional recognition, structured training pathways and wider understanding of perfusion science within India’s healthcare ecosystem.

The scientific sessions on Day 1 focused on advancements in perfusion practice, pediatric cardiac care and the growing integration of Artificial Intelligence and robotics in surgical support systems. A special debate titled “Evidence vs Experience” encouraged open dialogue on balancing data-driven decisions with clinical expertise. The inauguration ceremony also honored senior professionals with Lifetime Achievement Awards for their contribution to the field.

Day 2 will focus on advanced strategies in complex cardiac procedures and the evolving role of ECMO as a bridge to recovery and transplant. A scientific quiz and the society’s General Body Meeting are also part of the program.

Speaking at the inauguration, Ravindra Sawardekar, Organising Secretary, ISECTCON said,“Many people know the heart surgeon who performs the operation, but very few know the perfusionist who keeps the patient alive during that surgery. Artificial Intelligence is not here to replace clinical judgment. It is here to support it. By integrating AI into perfusion systems, we can improve accuracy, enhance patient safety and make faster, better-informed decisions in critical moments. Our responsibility is to adapt, learn and ensure that perfusion-science strengthens patient care.”He further added,“In India, there is a lack of awareness about the important field of perfusion, along with a shortage of trained professionals. With the number of heart surgeries and life-support treatments increasing every year, the demand for perfusionists is rising rapidly. Therefore, it is extremely important to strengthen education and training in this field and ensure clear recognition at the government level.”

The conference is being led by Rajendra Kokane (ISECT President), Loknath Tiwari General Secretary ISECT), Jagannath Kalugade (Organising President), Vikas Mali (Organising Chairman), Ravindra Sawardekar (Organising Secretary), Shashikant Memane (Joint Secretary), Yogesh Ludbe (Treasurer) and Rafique Shaikh (Scientific Committee), along with senior ISECT leadership and executive members.

Located near Chhatrapati Shivaji Maharaj International Airport, Hotel Aurika Mumbai Sky City is hosting hundreds of delegates from across the country for this landmark gathering. As cardiac care becomes increasingly technology-driven, ISECTCON 2026 reinforces a simple but powerful message: behind every successful heart surgery stands a coordinated team, and at the core of that team is the perfusionist, quietly ensuring that life continues to flow.

आई -मुलीच्या नात्याचा हळवा प्रवास उलगडणारा ‘तिघी’चा ट्रेलर प्रदर्शित

आई -मुलीच्या नात्याचा हळवा प्रवास उलगडणारा      ‘तिघी’चा ट्रेलर प्रदर्शित 

आई-मुलींचं नातं हे शब्दांत मांडणं कठीण… कधी जिव्हाळ्याने भरलेलं, कधी मतभेदांनी दुरावलेलं... तरीही एकमेकांशी घट्ट जोडलेलं. अशाच गुंतागुंतीच्या, हळव्या आणि वास्तववादी नात्याचा वेध घेणाऱ्या  ‘तिघी’ या आगामी चित्रपटाचा ट्रेलर प्रेक्षकांच्या भेटीला आला आहे. भावनांचा आविष्कार अधिक ठळकपणे मांडणारा हा ट्रेलर नुकताच प्रदर्शित झाला असून, त्याने चित्रपटाबद्दलची उत्सुकता अधिकच वाढवली आहे. 

या ट्रेलर लाँच सोहळ्यात भारती आचरेकर यांच्यासाठी खास सरप्राईज होते. त्यांच्या निकटवर्तीयांनी ‘तिघी’च्या प्रदर्शनासाठी चित्रफितीच्या माध्यमातून खास शुभेच्छा दिल्या. तर गायिका प्रियंका बर्वे, शरयू दाते यांनी चित्रपटातील गाणी सादर केली. यावेळी नेहा पेंडसे, सोनाली कुलकर्णी, पुष्कराज चिरपुटकर, सुव्रत जोशी, जिजीविषा काळे, जितेंद्र जोशी, शरयू दाते, प्रियंका बर्वे, निलेश मोहरीर, निखिल महाजन, सुहृद गोडबोले, स्वप्निल भंगाळे आदी चित्रपटाच्या टीमसह अभिनेत्री गिरिजा ओकही उपस्थित होत्या. 

अवघ्या काही मिनिटांच्या या ट्रेलरमध्ये एका घरातल्या तीन स्त्रियांचं आयुष्य अधिक ठळकपणे उलगडताना दिसतं. आई आणि तिच्या दोन मुली यांच्यातील मतभेद, छोट्या-मोठ्या भांडणांतून व्यक्त होणारा राग, न बोललेल्या अपेक्षा आणि तरीही प्रत्येक क्षणी जाणवणारा जिव्हाळा या सगळ्याचं प्रभावी चित्रण यात पाहायला मिळतं. तिघींच्या आयुष्यात वेगवेगळे संघर्ष आहेत. प्रत्येक जण  स्वतःच्या प्रश्नांशी झुंज देताना दिसतेय. मात्र आयुष्याच्या एका निर्णायक वळणावर त्या तिघी एकमेकींसाठी कशा उभ्या राहाणार, याची उत्सुकता ट्रेलर शेवटपर्यंत टिकवून ठेवतो. 

‘आईचं घर. हजार आठवणी.’ ही टॅगलाईन ट्रेलरमध्येही ठळकपणे जाणवते. घर हे फक्त चार भिंतींचं नसून तिथे साठलेल्या आठवणी, तुटलेले संवाद आणि पुन्हा जुळणारे धागे यांचं प्रतीक ठरतं. तिघींच्या नात्यातील ताणतणाव आणि त्यामागची माया यांचा समतोल साधत हा चित्रपट प्रेक्षकांना विचार करायला भाग पाडणार  आहे.

चित्रपटाच्या दिग्दर्शिका जीजिविषा काळे म्हणतात, “आई आणि मुलींचं नातं अनेक थरांनी बनलेलं असतं. कधी ते भांडणांतून व्यक्त होतं, कधी शांततेतून. ‘तिघी’मधून आम्ही या नात्याची खरी, प्रामाणिक बाजू दाखवण्याचा प्रयत्न केला आहे. प्रत्येक प्रेक्षकाला यात स्वतःचं घर आणि स्वतःचं नातं दिसेल.”

या चित्रपटात भारती आचरेकर, सोनाली कुलकर्णी आणि नेहा पेंडसे बायस यांच्या प्रमुख भूमिका आहेत. सुप्री मीडिया प्रस्तुत आणि कोक्लिको पिक्चर्स निर्मित ‘तिघी’ची कथा व दिग्दर्शन जीजिविषा काळे यांनी केलं आहे. निर्मिती निखिल महाजन, सुहृद गोडबोले, स्वप्निल भंगाळे आणि नेहा पेंडसे बायस यांनी केली आहे.

आई–मुलींच्या नात्याकडे संवेदनशील आणि प्रगल्भ दृष्टीकोनातून पाहाणारा ‘तिघी’ हा चित्रपट येत्या ६ मार्च रोजी प्रेक्षकांच्या भेटीला येणार असून, आयुष्याच्या त्या वळणावर तिघी एकमेकींना कशी साथ देतात याचं उत्तर मोठ्या पडद्यावरच मिळणार आहे.

३ एप्रिलपासून प्रेक्षकांच्या मनावर होणार कब्जा ! ‘सुपर डुपर’चे उत्सुकता वाढवणारे पोस्टर प्रदर्शित

 ३ एप्रिलपासून प्रेक्षकांच्या मनावर होणार कब्जा !              ‘सुपर डुपर’चे उत्सुकता वाढवणारे पोस्टर प्रदर्शित 

झी स्टुडिओज प्रस्तुत ‘सुपर डुपर’ या बहुचर्चित मल्टिस्टारर आणि कौटुंबिक महासोहळ्याच्या चित्रपटाचे धमाकेदार पोस्टर नुकतेच प्रेक्षकांच्या भेटीस आले असून सोशल मीडियावर त्याची सध्या जोरदार चर्चा सुरू आहे. यंदाच्या उन्हाळ्याच्या सुट्ट्यांमध्ये प्रेक्षकांसाठी ही खास मनोरंजनाची मेजवानी ठरणार असून, भव्यदिव्य स्टारकास्ट असलेला हा कौटुंबिक चित्रपट मोठ्या पडद्यावर धमाल उडवण्यासाठी सज्ज झाला आहे.

एका घराच्या दारात रंगलेला गोंधळ, एका बाजूला पारंपरिक कुटुंब तर दुसऱ्या बाजूला आधुनिक विचारांचे प्रतिनिधित्व करणारी तरुण जोडी अशा भन्नाट आणि विनोदी प्रसंगाची झलक पोस्टरमधून पाहायला मिळते. पोस्टरमधील प्रत्येक पात्राची देहबोली आणि हावभाव कथेतला संघर्ष, नात्यांतील टक्कर आणि विनोदाची धमाल याची उत्सुकता वाढवतात.

एका बाजूला पारंपरिक विचारांचे प्रतिनिधित्व करणारे कुटुंब दार उघडण्याच्या तयारीत दिसते, तर दुसऱ्या बाजूला आधुनिक तरुणाई दार बंद करण्याचा प्रयत्न करताना दिसते. या दाराच्या दोन्ही बाजूंना उभा असलेला संघर्ष म्हणजेच कथानकाचा गाभा असावा, असा अंदाज व्यक्त केला जात आहे. हा चित्रपट विनोदी असला तरी भावनिक अंगानेही तितकाच मजबूत असेल, याची झलक हे पोस्टर देते.

झी स्टुडिओजची प्रस्तुत, नाईंटी नाईन प्रॉडक्शन्स, सिद्धिविनायक प्रॉडक्शन्स निर्मित आणि समीर आशा पाटील दिग्दर्शित या चित्रपटात निर्मिती सावंत, शशांक शेंडे, हृषिकेश जोशी, नम्रता संभेराव, कुशल बद्रिके, प्रतीक्षा कोते यांच्यासह ललित प्रभाकर आणि विदुला चौगुले मुख्य भूमिकेत झळकणार आहेत. एवढ्या भल्या मोठ्या स्टारकास्टमुळे ‘सुपर डुपर’ हा खऱ्या अर्थाने मल्टिस्टारर ठरणार आहे. प्रत्येक कलाकाराची वेगळी शैली आणि विनोदी टाइमिंग या चित्रपटाला अधिक रंगतदार बनवणार, यात शंका नाही.

दिग्दर्शक समीर आशा पाटील म्हणतात, “हे पोस्टर म्हणजे चित्रपटाच्या स्वभावाची पहिली झलक आहे. एका घरातल्या दोन विचारसरणींची मजेशीर टक्कर यातून दिसते. आपण एका कुटुंबाची फिल्म कुटुंबासाठी घेऊन येत आहोत. नात्यांमधला गोंधळ, प्रेम, राग, आपुलकी आणि भावनिक क्षण यांचा सुरेख संगम ‘सुपर डुपर’मध्ये पाहायला मिळेल. लहानांपासून ज्येष्ठांपर्यंत प्रत्येकाला स्वतःचं प्रतिबिंब या कथेत दिसेल, असा आम्हाला विश्वास आहे.”

या चित्रपटाचे विजय शिंदे आणि नरेश बोर्डे निर्माते असून उमेश कुमार बन्सल आणि बवेश जानवलेकर प्रस्तुतकर्ता आहेत. पोस्टरमुळेच प्रेक्षकांची उत्सुकता शिगेला पोहोचली असून ३ एप्रिलला रंगणारा हा कौटुंबिक महासोहळा प्रेक्षकांच्या मनावर कब्जा करणार आहे.

मुंबईत ISECTCON 2026 चे आयोजन. देशभरातील संजीवन शास्त्रज्ञ तज्ञ, संशोधक आणि विद्यार्थी यांना एकत्र आणणारी परिषद

मुंबईत ISECTCON 2026 चे आयोजनदेशभरातील संजीवन शास्त्रज्ञ तज्ञ, संशोधक आणि विद्यार्थी यांना एकत्र आणणारी परिषद

मुंबई, २४ फेब्रुवारी २०२६ - देशभरातील संजीवन शास्त्रज्ञ (परफ्यूजन शास्त्र) क्षेत्रातील तज्ञ, संशोधक आणि विद्यार्थी यांना एकत्र आणणारी प्रतिष्ठित परिषद ISECTCON 2026 यंदा दिनांक २७–२८ फेब्रुवारी २०२६ रोजी हॉटेल ऑरिका, मुंबई स्कायसिटी, अंधेरी (पूर्व) येथे सकाळी ९ - सायंकाळी ६ या वेळेत आयोजित करण्यात येत आहे. ही परिषद इंडियन सोसायटी ऑफ एक्सट्राकॉर्पोरेल टेक्नोलॉजि (ISECT) तर्फे आयोजित केली जात असून आधुनिक परफ्यूजन सायन्स आणि रुग्णसेवा सुधारणा यांवर सखोल चर्चा होणार आहे.भव्य परिषदेचे उद्घाटन लोकसभेचे खासदार डॉ.श्रीकांत शिंदे यांच्या हस्ते होणार आहे. परिषदेमध्ये देशभरातील नामांकित तज्ञ, आंतरराष्ट्रीय वक्ते, वैज्ञानिक सत्रे, ई-पोस्टर सादरीकरण, उद्योग प्रदर्शन तसेच विद्यार्थ्यांसाठी विशेष शैक्षणिक उपक्रमांचा समावेश असेल.

राष्ट्रीय परिषदेचे आयोजन रवींद्र शिवाजी सावर्डेकर (ऑर्गनायझिंग सेक्रेटरी), राजेंद्र कोकणे (अध्यक्ष), जगन्नाथ कालुगडे (उपाध्यक्ष), विकास माळी (चेअरमन), योगेश लुडबे (कोषाध्यक्ष), शशिकांत मेमाणे (सहसचिव) आणि रफिक शेख यांच्या नेतृत्वाखाली होत असून देशभरातील तज्ञ, संशोधक आणि विद्यार्थ्यांसाठी ISECTCON 2026 ज्ञान, नवोपक्रम आणि व्यावसायिक सहकार्याचा एक महत्त्वपूर्ण मंच ठरणार आहे. परफ्यूजन विज्ञानातील नव्या संशोधनांना चालना देणे, आरोग्यसेवेची गुणवत्ता उंचावणे आणि तज्ञांमधील ज्ञानविनिमय वाढवणे हा या परिषदेचा प्रमुख उद्देश आहे.

कोविड-१९ च्या कठीण काळात आरोग्य व्यवस्थेवर प्रचंड ताण निर्माण झाला असताना संजीवन शास्त्रज्ञ आणि संबंधित आरोग्य कर्मचाऱ्यांनी जीवनरक्षक भूमिका बजावली. अतिदक्षता विभागातील गंभीर रुग्णांना कृत्रिम श्वसन, रक्ताभिसरण सहाय्य आणि प्रगत तंत्रज्ञानाच्या मदतीने स्थिर ठेवण्यासाठी त्यांनी अखंड परिश्रम घेतले. अत्यंत जोखमीच्या परिस्थितीतही रुग्णांचे प्राण वाचवण्यासाठी केलेले त्यांचे योगदान आरोग्यसेवेतील समर्पण, कौशल्य आणि मानवी मूल्यांचे प्रेरणादायी उदाहरण ठरले. लहान मुलांमधील जन्मजात हृदयविकार तसेच हृदय प्रत्यारोपणासारख्या गुंतागुंतीच्या उपचार प्रक्रियांमध्येही त्यांच्या अचूक कौशल्यामुळे अनेक रुग्णांना नवजीवन मिळत आहे.

‘शतक’मधून डॉ. हेडगेवार यांच्या प्रेरणादायी प्रवासाला उजाळा : आरएसएस प्रमुख मोहन भागवत

 ‘शतक’मधून डॉ. हेडगेवार यांच्या प्रेरणादायी प्रवासाला उजाळा : आरएसएस प्रमुख मोहन भागवत

राष्ट्रीय स्वयंसेवक संघाच्या शताब्दी वर्षानिमित्त तयार होत असलेल्या ‘शतक’ या चित्रपटाबाबतची उत्सुकता दिवसेंदिवस वाढत आहे. नवी दिल्लीतील केशव कुंज येथे नुकत्याच झालेल्या एका कार्यक्रमात आरएसएस प्रमुख मोहन भागवत यांनी या चित्रपटाविषयी आपले विचार मांडले. त्यांनी या चित्रपटाला केवळ एक सिनेमॅटिक कलाकृती नव्हे, तर एका वैचारिक प्रवासाचे जिवंत चित्रण असे संबोधले.

डॉ. केशव बळीराम हेडगेवार यांच्या जीवनावर प्रकाश टाकत ते म्हणाले, “ते राष्ट्रीय स्वयंसेवक संघाचे संस्थापक होते आणि राष्ट्रसंघटन व सामाजिक जागृतीसाठी त्यांनी आपले संपूर्ण आयुष्य अर्पण केले. त्यांचे जीवन त्याग, शिस्त आणि राष्ट्रीय एकात्मतेच्या अढळ भावनेचे प्रतीक होते.”

ते पुढे म्हणाले, “‘शतक’ या चित्रपटाच्या माध्यमातून डॉ. हेडगेवार यांच्या जीवनातील विविध प्रेरणादायी प्रसंग सादर करण्याचा प्रयत्न करण्यात आला आहे. विशेष म्हणजे, चित्रपटातील एका गाण्यात त्यांच्या बालपणातील एक हृदयस्पर्शी प्रसंग सुंदररित्या उलगडण्यात आला आहे, ज्याने त्यांच्या व्यक्तिमत्त्वाला ताकद आणि निर्धार दिला.” तसेच त्यांनी चित्रपटाशी संबंधित संपूर्ण कलाकार, निर्माते आणि सहकाऱ्यांचे अभिनंदन व आभार मानले.

आरएसएसच्या १०० वर्षांच्या प्रवासाला समर्पित असलेला ‘शतक’ हा चित्रपट २० फेब्रुवारी रोजी देशभरातील चित्रपटगृहांमध्ये प्रदर्शित होणार आहे.

नाचा दणाना’वर थिरकणार महाराष्ट्र! ‘सुपर डुपर’मधील जल्लोषमय गाणे प्रदर्शित

              ‘नाचा दणाना’वर थिरकणार महाराष्ट्र!                 ‘सुपर डुपर’मधील जल्लोषमय गाणे प्रदर्शित 

मराठी चित्रपटसृष्टीत सध्या जोरदार चर्चेत असलेल्या ‘सुपर डुपर’ या आगामी चित्रपटातील ‘नाचा दणाना’ हे गाणे प्रदर्शित होताच चांगलेच व्हायरल होत आहे. हळदीचे हे गाणे धमाल संगीत, भव्य सजावट आणि उत्साहाने भरलेल्या सादरीकरणामुळे पाहाताक्षणीच थिरकायला भाग पडणारे आहे. यात ललित प्रभाकर आणि विदुला चौगुले यांची जोडी विशेष उठून दिसत आहे तर त्यांच्या जोडीला ज्येष्ठ अभिनेत्री निर्मिती सावंत, शशांक शेंडे, हृषिकेश जोशी, नम्रता संभेराव, कुशल बद्रिके आणि प्रतीक्षा कोते या जबरदस्त कलाकारांचा जल्लोष अधिकच रंगत आणत आहे.  समीर आशा पाटील, यांचे बोल लाभलेल्या या गाण्याला अभिनव जगताप यांचे उत्स्फूर्त संगीत लाभले आहे. तर आदर्श शिंदे आणि आनंदी जोशी यांच्या आवाजाने या गाण्यात अफलातून एनर्जी आणली आहे. 

कौटुंबिक महासोहळा अशी या चित्रपटाची टॅगलाईन असल्याने ‘नाचा दणाना’मध्ये संपूर्ण कुटुंबाचा जल्लोष पाहायला मिळतोय. गाण्यात घरातील प्रत्येक सदस्य एकत्र येऊन आनंद साजरा करताना दिसतो. कुटुंबातील बॅाण्डिंग, एकमेकांवरील प्रेम आणि एकत्र येण्याचा उत्साह या गाण्यातून सुंदरपणे उलगडतो. त्यामुळेच चित्रपटाच्या नावाप्रमाणे हे गाणेही ‘सुपर डुपर’ हिट ठरण्याच्या मार्गावर आहे.

प्रत्येक कलाकाराची ऊर्जा, नृत्य आणि रंगतदार वेशभूषा यामुळे हे गाणे अधिकच आकर्षक बनले आहे. विशेष म्हणजे, या गाण्यातील हुक स्टेप इतकी भन्नाट आहे की, ती लवकरच ट्रेंडिंग होणार, याची चाहत्यांना खात्री आहे. लग्नसमारंभात ‘नाचा दणाना’वर नाचल्याशिवाय कार्यक्रम पूर्णच होणार नाही, असे चित्र सध्या हे गाणे पाहून दिसतेय.

चित्रपटाचे दिग्दर्शक समीर आशा पाटील म्हणतात, ‘’ ‘नाचा दणाना’ हे गाणे चित्रपटातील एक खास क्षण साजरा करते. नात्यांमधला आनंद, उत्साह आणि एकत्र येण्याची भावना या गाण्यातून अधोरेखित होते. कथा ज्या उंचीवर पोहोचते, त्या क्षणाला साजेशी ऊर्जा आम्ही या गाण्यातून व्यक्त करण्याचा प्रयत्न केला आहे. प्रेक्षकांना हे गाणे नक्की आवडेल, याची मला खात्री आहे.”

झी स्टुडिओजची प्रस्तुत, नाईंटी नाईन प्रॉडक्शन्स तथा सिद्धिविनायक प्रॉडक्शन्सची निर्मित आणि समीर आशा पाटील दिग्दर्शित 'सुपर डुपर‘चा हा कौटुंबिक महासोहळा येत्या ३ एप्रिल रोजी रंगणार आहे. या चित्रपटाचे विजय शिंदे आणि नरेश बोर्डे निर्माते आहेत. तर उमेश कुमार बन्सल, बवेश जानवलेकर प्रस्तुतकर्ता आहेत.