मृणाल कुलकर्णीच्या रॉम-कॉम ‘ती and ती’चे ट्रेलर प्रदर्शित; पुष्की, प्रार्थना, सोनाली यांचे इंटरेस्टिंग लव्ह ट्रँगल

मृणाल कुलकर्णी दिग्दर्शित ‘ती and ती’ सिनेमाचे मोशन पोस्टर प्रदर्शित झाल्यानंतर प्रेक्षक या चित्रपटाची एक छोटीशी झलक पाहण्यास आतुर झाले होते. मोशन पोस्टरने प्रेक्षकांची उत्सुकता किती वाढवली हे सोशल मिडीयावर मिळालेल्या प्रतिक्रियांवरुन दिसून आले आणि खास प्रेक्षकांसाठी नुकताच या सिनेमाचा ट्रेलर रिलीझ करण्यात आला आहे.

पुष्कर जोग, प्रार्थना बेहरे आणि सोनाली कुलकर्णी यांची प्रमुख भूमिका असलेला ‘ती and ती’ अर्बन रोमँटिक कॉमेडी सिनेमा आहे आणि या सिनेमाचे शूटिंग लंडनमध्ये झाले आहे. ‘ती’ कोण? आणि मग ‘ती’ कोणाची आहे? अशाप्रकारे पडलेल्या प्रत्येक प्रश्नांची उत्तरं ट्रेलरमध्ये प्रेक्षकांना मिळालीच असतील. प्रत्येक मुलाच्या आयुष्यात अशी एक ‘ती’ असते जी त्याला कधीच मिळत नाही पण तिला तो कधीच विसरु शकत नाही. अशीच गोष्ट आहे अनयची (पुष्कर जोग) आणि त्याच्या आयुष्यातील दोन मुली म्हणजे सई आणि प्रियांका. प्रार्थना बेहरे आणि सोनाली कुलकर्णी यांच्या भूमिकेची हिंट मिळाल्यामुळे या प्रेमाच्या लव्ह ट्रँगलमध्ये त्यांची नेक्स्ट स्टेप काय असेल हे जाणून घ्यायची उत्सुकता  देखील नक्की वाढणार. या ट्रेलरमधून एक सरप्राईज प्रेक्षकांना मिळालं आणि ते म्हणजे सिध्दार्थ चांदेकर या सिनेमात छोटीशी भूमिका साकारतोय.

या सिनेमाच्या निमित्ताने मृणाल कुलकर्णी यांचे दिग्दर्शन कौशल्य पुन्हा एकदा पाहायला मिळाले आहे. सिनेमाचे चित्रीकरण इतके सुरेख, सुंदर झाले आहे की पाहता क्षणीच प्रेक्षक नक्कीच सिनेमाच्या प्रेमात पडतील आणि याचे श्रेय मृणाल यांना जाते. बॅकग्राऊंड म्युझिक, गाणं या गोष्टी देखील कुतुहल वाढवत आहेत. ही एक हलकी-फुलकी, रोमँटिक कॉमेडी कथा विराजस कुलकर्णी याने लिहिली आहे असून आताची जनरेशन या सिनेमाचा पुरेपूर आनंद लुटतील याचा अंदाज या इंटरेस्टिंग ट्रेलरवरुन बांधता येऊ शकतो.

आनंद पंडीत यांच्या मोशन पिक्चर्सच्या सहकार्याने गुझबम्प्स एंटरटेनमेंट आणि हायपरबीस मिडिया यांनी या चित्रपटाची प्रस्तुती केली आहे. पुष्कर जोग, वैशाल शाह, मोहन नादर हे या चित्रपटाचे निर्माते आहेत तर मोहित छाब्रा हे सहनिर्माते आहेत. राहुल हकसर हे या सिनेमाचे डिस्ट्रीब्युटर आहेत तर हा सिनेमा रजत एंटरप्राईझ नेशनवाईड रिलीझ करणार आहेत.

भन्नाट लव्हस्टोरी असलेला ‘ती & ती’ चित्रपट येत्या १ मार्च २०१९ रोजी प्रेक्षकांच्या भेटीस येतोय.

ACTOR AJAZ KHAN SHOOTS FOR HIS NEXT FILM "BHAIJAAN" IN BARODA 

"I believe in doing big roles even if it is a small film. I don't want to be over shadowed by someone else's stardom & do a couple of scenes in a big film with a big star cast. I might as well be a hero in a small film" says  Ajaz Khan  who is known face in Bollywood & south film industry. 

He is also popular in south cinema and running fast in Bollywood now a days. The actor is playing the lead role in his next film “ BhaiJaan " 

महेश मांजरेकर उर्फ ‘गडबडे बाबा’ करणार ‘सर्व लाईन व्यस्त आहेत’मध्ये धमाल

अभिनेते, दिग्दर्शक, निर्माते अशी ओळख निर्माण करुन आणि चित्रपट, नाटक, टेलिव्हिजन या तिन्ही माध्यमांतून आपल्या बिनधास्त कौशल्याने प्रेक्षकांची मनं जिंकणारी व्यक्ती म्हणजे महेश मांजरेकर.

मराठी आणि हिंदी फिल्म इंडस्ट्रीमध्ये महेश मांजरेकरांनी स्वत:च्या मेहनतीने आपले हक्काचे स्थान निर्माण केले आहे. आपल्या मराठी इंडस्ट्रीत महेशजी यांचे नाव आदराने घेतले जाते. त्यांचे व्यक्तिमत्त्व कितीही रोखठोक असले तरी ते शांत स्वभावाचे आहेत. अनेकांना बहुदा त्यांची भितीही वाटत असेल पण महेशजी मनाने खूप प्रेमळ आहेत. ज्या व्यक्तिला मार्गदर्शनाची गरज आहे त्याला योग्य पध्दतीने मार्गदर्शन देणा-या महेशजींनी आतापर्यंत अनेक वेगवेगळ्या भूमिका साकारल्या आहेत. काही भूमिका या गंभीर आहेत तर काही अगदी हलक्या-फुलक्या पण मनोरंजक.

नवीन वर्षाच्या दुस-या महिन्याच्या सुरुवातीलाच महेश मांजरेकर एक मस्त-जबरदस्त-भन्नाट भूमिकेतून प्रेक्षकांचे मनोरंजन करणार आहेत.  अमोल उतेकर प्रस्तुत, स्टेलारीया स्टुडीयो निर्मित आणि प्रदिप रघुनाथ मेस्त्री दिग्दर्शित ‘सर्व लाईन व्यस्त आहेत’ या चित्रपटात महेश मांजरेकर यांनी ‘गडबडे बाबा’ या एका ‘कूल’ साधूची भूमिका साकारली आहे. भाविकांच्या मनातील प्रश्नांचे-शंकेचे ‘अगदी हटके स्टाईल’ने निरसन करणारे गडबडे बाबा या चित्रपटात एक से बढकर एक अफलातून डायलॉगने धुमाकूळ घालणार आहेत याचा अंदाज नुकतेच रिलीझ झालेल्या चित्रपटाच्या ट्रेलरमधून आलाच असेल. प्रेम-लग्न यांविषयी गडबडे बाबांचे असणारे अचूक भाकीत आणि विचार हे प्रेक्षकांचे मनोरंजन नक्कीच करणार. महेश मांजरेकर ब-याच दिवसांनंतर अशा हलक्या-फुलक्या भूमिकेत दिसणार आहेत.

महेशजी यांच्यासह या चित्रपटात सिध्दार्थ जाधव, सौरभ गोखले, संस्कृती बालगुडे, स्मिता शेवाळे, हेमांगी कवी, नीथा शेट्टी-साळवी आणि राणी अग्रवाल, कमलाकर सातपुते, माधवी सोमण, प्रियंका मुणगेकर, संध्या कुटे, सतीश आगाशे, शिवाजी रेडकर, हितेश संपत आणि गौरव मोरे यांनी देखील महत्त्वाच्या भूमिका साकारल्या आहेत.

आयुष्य व्यर्थ घालवायचे नसेल तर प्रेम करा आणि गडबडे बाबांचे भाकीत अन् भावनेविषयी विचार जाणून घ्यायचे असेल तर नक्की पाहा ‘सर्व लाईन व्यस्त आहेत’ चित्रपट येत्या १ फेब्रुवारीला तुमच्या जवळच्या चित्रपटगृहात.

अंगुरी भाभी बनली नागीण

सध्या टेलिव्हिजनवर सगळीकडेच भुताटकी आणि पारलौकिकतेशी निगडित कथा अधिकाधिक रंगत चालल्या आहेत. आता, &TVवरील 'भाभीजी घर पर है' मालिकेतील अंगुरी भाभी ऊर्फ शुभांगी हिला नागिणीच्या अवतारात पाहण्याची धमाल प्रेक्षकांना अनुभवता येणार आहे. तिच्या अनोख्या हालचालींनी आपल्याला आश्चर्यचकित करण्यासाठी ती येते आहे, सावध रहा..

आपल्या विनोदी टायमिंगसाठी लोकप्रिय झालेले पात्र म्हणजे अंगुरी भाभी.. तिच्या या टायमिंगमुळेच भाभीजी हे पात्र प्रेक्षकांना कायमच रोमांचित करत असते. शुभांगी म्हणजेच अंगुरी हे पात्र कायमच लोकप्रिय ठरले असून तिच्या निरागस व्यक्तीमत्वाबद्दल लोकांनी तिला डोक्यावर घेतले आहे. आता, तिच्या या नव्या नागीण अवतारामुळेही प्रेक्षक अवाक होणार आहेत. 'भाभीजी घर पर है' या मालिकेतल्या मॉडर्न कॉलनीतले विभूती, तिवारी आणि अंगुरी हे तिघे पिकनिकसाठी बाहेर गेले आहेत, असे आगामी भागात आपण पाहणार आहोत. पिकनिकदरम्यान, हे तिघे एका हवेलीत येतात. या हवेलीत प्रवेश केल्यावर विभूतीसोबत काही विचित्र घटना घडायला सुरूवात होते. नक्की काय होते आहे, हे कुणालाच समजत नाही आणि अचानक विभूतीसमोर अंगुरी भाभी नागीण अवतारात उभी राहते.

शुभांगी म्हणाली, “टेलिव्हिजनवर प्रथमच नागीण साकारण्यासाठी मी फार उत्सुक होते. या विनोदी मालिकेत आता प्रथमच जरा गूढपणा येणार आहे. अंगुरी प्रथमच नागीण अवतारात येणार असल्यामुळे प्रेक्षकांसाठी ही उत्तम मेजवानीच असणार आहे. विभूतीसोबत इतक्या गूढ घटना का घडताहेत, यामागचे रहस्य उलगडत जाताना ही कथा अधिकच मजेशीर होत जाणार आहे.’’

अंगुरी भाभी नागीण कशी बनते आणि विभूतीसोबत इतक्या भयानक आणि गूढ घटना का घडताहेत, हे पाहणे फारच रोमांचक असणार आहे.

अधिक जाणून घेण्यासाठी पहात रहा, 'भाभीजी घर पर है', सोमवार ते शुक्रवार रात्री १०.३० वाजता

केवळ &TV वर