'गुंजन' आणि 'मधुमालती'

             या शब्द स्वरमालेचा लोकार्पण सोहळा उत्साहात संपन्न

मीडिया वर्क्स स्टुडिओ, पुणे प्रस्तुत आणि श्री. व्यंकट मुळजकर निर्मित “गुंजन” आणि “मधुमालती” या प्रासादिक, भावगंधित शब्द स्वरमालेचा लोकार्पण सोहळा पुण्यात संपन्न झाला. या कार्यक्रमाला रसिकप्रेक्षकांचा उत्स्फूर्त प्रतिसाद मिळाला. तसेच हे दोन्ही अल्बम म्युझिक प्लॅटफॉर्मवर उपलब्ध आहेत.

या सोहळ्याच्या अध्यक्षस्थानी संत साहित्याचे गाढे अभ्यासक व ज्येष्ठ नेते माननीय उल्हास दादा पवार हे होते. ज्येष्ठ संगीतकार अशोक पत्की यांच्या शुभहस्ते हा लोकार्पण सोहळा पार पडला. यावेळी ज्येष्ठ साहित्यिक देविदास फुलारी यांनी शब्द स्वरमालेचे रसग्रहण केले. या कार्यक्रमात दोन्ही ध्वनिमुद्रिकेच्या गीतकार सुवर्णा मुळजकर व संगीतकार आनंदी विकास यांची विशेष उपस्थिती होती.

'गुंजन' आणि 'मधुमालती' या दोन्ही ध्वनिमुद्रिकेचे संगीत हे आनंदी विकास यांचे असून यामध्ये पं. शौनक अभिषेकी, अंकिता जोशी, मंगेश बोरगावकर, शरयू दाते, स्वराली जोशी, सौरभ दप्तरदार, मयुरी अत्रे आणि विश्वास अंबेकर यांनी रचना गायल्या आहेत. या दोन्ही अल्बमचे निर्माते श्री व्यंकट मुळजकर आहेत.

निर्माते व्यंकटेश मुळजकर या कार्यक्रमाविषयी सांगतात,"'गुंजन' हा भक्तीगीताच्या संदर्भातील तर 'मधुमालती' हा भावगीता संदर्भातील गीतसंग्रह रसिकप्रेक्षकांच्या उपस्थितीत पार पडला. अतिशय खेळीमेळीचा व ऋद्यस्पर्शी असा हा कार्यक्रम झाला. या कार्यक्रमाचं वैशिष्ट्य म्हणजे अनेक दिग्गज कलाकारांनी लावलेली उपस्थिती. मला या कार्यक्रमाची निर्मिती करून प्रचंड आनंद झाला. मीडियावर्क्स स्टुडिओचे आदित्य देशमुख, मंगेश बोरगावकर आणि डॉ.सुजित शिंदे यांनी कार्यक्रमाचे आयोजन अतिशय सुरेख केले. सर्वांनी कविता आणि संगीत यांची जोड झाल्यानंतर ते पुढे किती प्रभावी होतं, तसेच सध्याच्या काळामध्ये मराठी संगीताला, मराठी साहित्याला या कार्यक्रमांची किती गरज आहे. याचं प्रतिपादन यातून केले. या अल्बममधील गाणी सर्व प्रेक्षकांना आवडतील याची मला खात्री आहे."

 कल्याण ज्वेलर्सची ‘रक्षाबंधन आकर्षक भेट’

मुंबई, ८ ऑगस्ट २०२२:  रक्षाबंधनाचा सण अगदी जवळ आलाय, बहीणभावाच्या सुंदर नात्याचा हा सण तितक्याच दिमाखात साजरा व्हायला हवा. वर्षभर भावंडांमध्ये होणारी भांडणे, तक्रारीची जागा जिव्हाळा, लाड, एकमेकांच्या सौख्यासाठी प्रार्थना आणि एकमेकांना दिलेले आशीर्वाद यांनी घेण्याचा हा खास दिवस! एखादी व्यक्ती आपल्याला जितकी जास्त जवळची तितकेच त्या व्यक्तीसाठी सर्वात चांगली भेटवस्तू शोधणे कठीण होऊन बसते. म्हणूनच तुमच्या सोयीसाठी कल्याण ज्वेलर्स घेऊन आले आहेत सर्वात स्टायलिश आणि ट्रेंडी दागिन्यांची मिनी-लिस्ट. यातील दागिने बहिणीला भेट म्हणून द्या आणि तिला दाखवून द्या की ती तुमच्यासाठी खूप स्पेशल आहे.

सणाचा आनंद द्विगुणित करण्यासाठी या ज्वेलरी ब्रँडने स्टडेड दागिने खरेदीतील प्रत्येक दागिन्यांवर सूट देऊ केली आहे. याशिवाय घडणावळीवर प्रत्येक ग्राममागे इन्स्टंट डिस्काउंट तसेच जुन्या सोन्याच्या एक्स्चेंजवर भरपूर डिस्काउंट योजना देखील कल्याण ज्वेलर्सने सुरु केली आहे. भारतात कल्याण ज्वेलर्सच्या सर्व शोरूम्समध्ये आकर्षक ऑफर्सचा लाभ घेऊ शकतील. अभूतपूर्व आणि आकर्षक अशा या ऑफर्स ३० सप्टेंबर २०२२ पर्यंत सुरु राहतील.

रक्षाबंधनला कल्याण ज्वेलर्सच्या ६ ग्लॅमरस दागिन्यांची कोणती अनोखी भेट द्याल :-

१) अतिशय प्रेमाने घडवलेले, निसर्गापासून प्रेरणा घेऊन डिझाईन केलेले हे सुंदर पेंडंट म्हणजे स्टडेड डायमंड्स आणि गोल्डन मॅट फिनिशचा सुरेख मिलाप आहे.  कोणत्याही परिधानावर अगदी सहज शोभून दिसेल असा हा नाजूक दागिना तुमच्या बहिणीसाठी सर्वात चांगली भेट ठरेल.

२) सोन्याचे नेकलेस कधीही आऊट ऑफ स्टाईल होणार नाहीत.  हा साधा आणि तरीही शालीन, दिमाखदार नेकपीस मौल्यवान स्टोन्सनी सजवण्यात आला आहे. फुलाचे डिझाईन असलेला, अतिशय अनोखा असा हा दागिना तुमच्या अनोख्या बहिणीसाठी उत्तम आहे. 

३) सोन्याचे ब्रेसलेट कोणत्याही परिधानावर सुबक दिसेल. अतुलनीय कारीगरी व बारकाव्यांकडे नीट लक्ष देऊन केलेले सुरेख नक्षीकाम याची खासियत आहे. रक्षाबंधनाला आपल्या बहिणीला ही छानशी भेट देऊन तिच्या मनात आनंद फुलवा.  

४) गोल्ड बीडेड ब्रेसलेट, त्याच्या शेवटी असलेले स्टडेड डायमंड्स एक क्लासी ट्विस्ट देतात. कोणत्याही इंडो-वेस्टर्न कपड्यांवर हे खूप छान दिसेल.

५) डायमंड गोल्ड ब्रेसलेट. आधुनिकतेचा सुंदर स्पर्श ल्यालेले हे ब्रेसलेट प्रत्येक महिलेच्या दागिन्यांमध्ये असायलाच हवे.

६) भौमितिक आकाराचे गोल्ड पेंडंटमध्ये परंपरा आणि आधुनिक स्टाईल यांचा छान मेळ साधला गेला आहे.  रक्षाबंधनाचा आनंद द्विगुणित करणारी ही भेट आयुष्यभर साथ देईल.

 Digital star and content creator Adnaan Shaikh's birthday and launch of his NGO “Pure Deeds

A celebration with underprivileged children of Pure Deeds NGO to help the needy incase of medical emergency, academical help, food, clothes and shelter

Taking time from the glamour and glitz, Adnaan Shaikh established an NGO "Pure Deeds" to address various social cause. With the launch of his NGO he wished to fulfill his social responsibility and address issues related to poverty, education, water, environment, women, youth and children. Adnaan who is looked upon as a role model by many is closely involved by governmental and non-governmental efforts to send out strong social messages to the masses.

Awed by his initiative, celebrities from all walks of life joined him. To name a few were

Faisal Shaikh, Shadan Farooqui, Hasnain Khan, Faiz Baloch ,

Ali Mercchant, Sana Makbul,

Baseer Ali, Aashika Bhatia, 

Riva Arora, Eshan Masih, Amir Siddique and many more.

He also took the stage to call out for support for Pure Deeds, to join hands and make world a better place. He is of the opinion that people who are privileged and blessed with a comfortable life should lend a helping hand to those who are deprived of even basic needs. Adnaan even expressed his deep concern towards the less fortunate, he said that the least they deserve is good, nutritious food, especially the growing kids.

"I am over the moon to tell you that on the 7th of this month, I launched  my first ever NGO, Pure Deeds. Pure Deeds is my first step to brining a ray of light and hope in those who don’t believe that the sun rises for them" says Adnaan

 मैत्रीची अनोखी व्याख्या सांगणार  समायरा’ 

   काही दिवसांपूर्वीच ऋषी श्रीकृष्ण देशपांडे दिग्दर्शित 'समायरा' या चित्रपटाची सोशल मीडियावर घोषणा करण्यात आली.  केतकी नारायणचा अव्हेंजर चालवतानाच्या धाडसी लुकने प्रेक्षकांच्या मनात घर केले. आता ‘समायरा’ची दुसरी बाजू प्रेक्षकांच्या भेटीला आली आहे. नुकत्याच झालेल्या मैत्री दिनाच्या निमित्ताने मोशन पोस्टर प्रेक्षकांच्या भेटीला आले असून यात हिंदी वेबसीरिज आणि चित्रपटात अभूतपूर्व कामगिरी करणारा अभिनेता अंकुर राठी केतकी नारायणसोबत दिसत आहे. केतकीचा आत्मविश्वास , ध्येयापर्यंतचा असाधारण प्रवास आणि त्यात अंकुरची तिला लाभलेली प्रेमळ साथ हे आपल्याला या चित्रपटात पाहायला मिळणार आहे. या चित्रपटाच्या निमित्ताने मैत्रीच्या पलीकडे आणि प्रेमाच्या अलीकडे असलेले नाते मराठी पडद्यावर एक अनोखी रंगत घेऊन येणार आहे. 

 येत्या २६ ऑगस्ट रोजी ‘समायरा’ प्रेक्षकांच्या भेटीला येणार आहे. ग्लोबल सेवा एलएलपी प्रस्तुत, आद्योत फिल्म्सच्या सहयोगाने, या चित्रपटाची निर्मिती डॉ. जगन्नाथ सुरपूरे, रतन सुरपूरे, शशिकांत पानट, योगेश आळंदकर आणि ऋषी श्रीकृष्ण देशपांडे यांनी केली असून या चित्रपटाची पटकथा आणि संवाद सुमित विलास तांबे यांचे आहेत.

 डेझी शहाची मराठी पडद्यावर धमाकेदार एन्ट्री

‘दगडी चाळ २'  मधील ' राघू पिंजऱ्यात आला' या गाण्यावर थिरकरणार अवघा महाराष्ट्र

          'दगडी चाळ २'  हा चित्रपट येणार असल्याचे समजल्यापासूनच यातील प्रमुख व्यक्तिरेखा कोण साकारणार, याची सर्वच प्रेक्षकांना उत्सुकता लागली होती आणि नुकतेच यातील प्रमुख चेहरे आपल्या समोर आले. आता या चित्रपटातील पहिले आणि जबरदस्त गाणे संगीतप्रेमींच्या भेटीला आले आहे.

' राघू पिंजऱ्यात आला ' असे या गाण्याचे बोल असून " डेझी शाह " या बॅालिवूडमधील नामांकित चेहऱ्याने या गाण्याच्या निमित्ताने मराठी सिनेसृष्टीत पदार्पण केले आहे. अमितराज यांनी संगीतबद्ध केलेल्या या गाण्याला मुग्धा कऱ्हाडे हीचा आवाज लाभला आहे. तर अवघ्या बॉलीवूडला आपल्या तालावर नाचवणाऱ्या आदिल शेख यांनी या गाण्याचे नृत्य दिग्दर्शन केले आहे. गाण्याचे भन्नाट बोल, डेझीचा सीझलिंग परफॉर्मन्स आणि घायाळ करणाऱ्या तिच्या अदा या सगळ्यामुळे हे गाणे ग्लॅमरस बनले आहे. मंगलमूर्ती फिल्म्स आणि संगीता अहिर निर्मित, चंद्रकांत कणसे दिग्दर्शित 'दगडी चाळ २' येत्या १८ ऑगस्ट रोजी चित्रपटगृहात प्रदर्शित होणार आहे. 

या गाण्याबद्दल निर्मात्या संगीता अहिर म्हणतात,  " जेव्हा या गाण्याचा आम्ही या चित्रपटात समावेश करण्याचे ठरवले, तेव्हा सर्वात आधी माझ्यासमोर डेझी शाहचा चेहरा आला. याबाबत आम्ही तिला विचारणा केली आणि तिनेही त्वरित होकार दिला. हिंदी चित्रपटातील अभिनेत्रीने मराठी पडद्यावर काम करायला इतक्या लगेच होकार देणे, ही आमच्यासाठी आनंदाची गोष्ट आहे. गाण्याची टीमच इतकी अफलातून आहे की, हे गाणे, डेझीचे नृत्य प्रेक्षकांना नक्कीच आवडेल. प्रत्येकाला थिरकायला लावणारे हे गाणे आहे.'' 

संगीतकार अमितराज या गाण्याबद्दल म्हणतात,  " क्षितिज पटवर्धन यांनी गाण्याचे बोल इतके उत्स्फूर्त लिहिले की, त्याला संगीतही त्याच ताकदीचे लागणार होते. मुग्धानेही या गाण्याला उत्तम न्याय दिला आहे आणि मात्र त्यात अधिक रंगत आणली आहे ती डेझीच्या बहारदार नृत्याने.  हे गाणे ऐकताना कोणाचेच पाय जमिनीवर स्थिर राहू शकत नाहीत. सगळ्यांना ठेका धरायला लावणारे हे गाणे आहे." 

या चित्रपटात मकरंद देशपांडे, अंकुश चौधरी आणि पूजा सावंत यांच्या प्रमुख भूमिका आहेत.

Link - https://youtu.be/iAp9Ym3NwiI

 अखेर 'बॉईज ३' मधील ‘तो’ चेहरा आला समोर 

विदुला चौगुलेचे चित्रपटसृष्टीत पदार्पण 

'बॉईज' आणि 'बॉईज २' या दोन्ही चित्रपटांनी बॉक्स ऑफिसवर धिंगाणा घातला होता. धैऱ्या, ढुंग्या आणि कबीर या धमाल त्रिकुटाने प्रेक्षकांच्या मनावर एक वेगळीच छाप पाडली. आणि त्यात दोन्ही पर्वामध्ये धैऱ्या, ढुंग्या आणि कबीरच्या आयुष्यातील येणारी मुलगी हा एक वेगळाच विषय ठरला. प्रत्येक वेळी यात हॅण्डसम कबीरनेच बाजी मारली. ‘बॅाईज ३’च्या घोषणेपासूनच धैऱ्या, ढुंग्या आणि कबीर यांच्यासोबत राडा घालायला कोण अभिनेत्री असणार, याची सर्वत्र चर्चा सुरु होती. अखेर ‘ती’चा चेहरा समोर आला असून विदुला चौगुले ‘त्या’ मुलीची व्यक्तिरेखा साकारणार आहे. विदुला ‘बॅाईज ३’च्या निमित्ताने चित्रपटात पदार्पण करत आहे. आता ही विदुला या त्रिकुटाला भारी पडणार का? हे पाहण्यासाठी १६ सप्टेंबरपर्यंत वाट पाहावी लागणार आहे.  

काही दिवसांपूर्वीच या तिघांच्या आयुष्यात आलेली ‘ती’ मुलगी सोशल मीडियावर झळकली होती. मात्र अर्धा चेहरा दिसत असल्याने ‘ती’ नक्की कोण, याबाबत अनेक तर्कवितर्क लावले जात होते. अखेर या चेहऱ्यावरून पडदा उठला असून आता प्रेक्षकांना उत्सुकता लागून राहिली आहे ती, विदुला नक्की कोणाच्या आयुष्यात येणार याची? तिच्या येण्याने या तिघांच्या आयुष्यात काय गडबड होणार की त्यांचे आयुष्य एका वेगळ्याच वळणावर जाणार? अर्थात या सगळ्यांची उत्तरे ‘बॅाईज ३’ पाहिल्यावरच मिळतील.

 सुप्रीम मोशन पिक्चर्स प्रा. लि प्रोडक्शन अंतर्गत एव्हरेस्ट एंटरटेनमेंटसह अवधूत गुप्ते प्रस्तुत  'बॉईज ३' चे दिग्दर्शन विशाल सखाराम देवरुखकर यांनी केले असून लालासाहेब शिंदे, राजेंद्र शिंदे, संजय छाब्रिया यांनी निर्मितीची धुरा सांभाळली आहे.  येत्या १६ सप्टेंबर रोजी प्रतीक लाड, पार्थ भालेराव आणि सुमंत शिंदे या त्रिकुटासह विदुला चौगुले चित्रपटगृहात दंगा घालायला येत आहेत

Link - https://youtu.be/j0rpzU4CQKc

 दगडी चाळ२' मध्ये पुन्हा झळकणार

'कलरफुल' पूजा सावंत

'दगडी चाळ २' ची घोषणा झाल्यापासूनच सर्वांनाच उत्सुकता लागून राहिली होती ती, यात कोणते चेहरे झळकणार ?  हळूहळू हे चेहरे गुलदस्त्याबाहेर येऊ लागले असून आता प्रेक्षकांसमोर कलरफुल सोनल म्हणजेच पूजा सावंतची व्यक्तिरेखा समोर आली आहे. त्याच्यबरोबर सूर्या आणि सोनलच्या तरल प्रेमकहाणीच्या वेलीवर आता अंशुमन नावाचे ‘बटरफ्लाय’ बसले आहे. 'दगडी चाळ २'मध्ये प्रेक्षकांना सूर्या आणि सोनलचा मुलगाही पाहायला मिळणार आहे. नुकतेच त्याचे पोस्टर सोशल मीडियावर झळकले असून एक कौटुंबिक कहाणी यात पाहायला मिळणार हे नक्की. मंगलमूर्ती फिल्म्स आणि संगीता अहिर निर्मित,  चंद्रकांत कणसे दिग्दर्शित 'दगडी चाळ २' येत्या १८ ऑगस्ट रोजी प्रेक्षकांच्या भेटीला येणार आहे.

पोस्टरमध्ये सोनल सूर्याला मिठी मारून ‘आय लव्ह यू हबी’ म्हणत आहे तर अंशुमनही सूर्याला बिलगून ‘आय लव्ह यू डॅडी’ म्हणताना दिसत आहे. हे सुखी कुटुंब पाहता आता सूर्याने 'डॅडीं'ची साथ सोडली की, अजूनही सूर्या 'डॅडीं'चा उजवा हात आहे? हे 'दगडी चाळ २' पाहिल्यावरच कळेल. 

मकरंद देशपांडे, अंकुश चौधरी आणि पूजा सावंत यांच्या व्यक्तिरेखा समोर आल्यानंतर आता उत्सुकता लागून राहिली आहे ती, चित्रपटातील इतर कलाकारांविषयी. ज्याचा उलगडा लवकरच होईल.