बोनफिग्लिओली ट्रान्समिशन्स लिमिटेडतर्फे आयपीओसाठी सेबीकडे डीआरएचपी सादर

बोनफिग्लिओली ट्रान्समिशन्स लिमिटेडतर्फे आयपीओसाठी सेबीकडे डीआरएचपी 

भारतामधील तंत्रज्ञान-आधारित यांत्रिक आणि विद्युत-यांत्रिक पॉवर ट्रान्समिशन्स आणि औद्योगिक ड्राइव्ह सोल्यूशन्स पुरवठादारांपैकी एक अग्रगण्य कंपनी असलेल्या बोनफिग्लिओली ट्रान्समिशन्स लिमिटेडने प्राथमिक समभाग विक्री (आयपीओ) साठी सेबीकडे आपला ड्राफ्ट रेड हेरिंग प्रॉस्पेक्टस (डीआरएचपी) दाखल केला आहे.

सोनिया बोनफिग्लिओली, ल्युशियानो बोनफिग्लिओली, लुईसा लुसार्डी, BON-FI S.r.l. आणि बोनफिग्लिओली S.p.A हे कंपनीचे प्रवर्तक आहेत.

या ऑफरमध्ये बोनफिग्लिओली S.p.A (प्रवर्तक विक्री भागधारक) यांच्याकडून एकूण 46,998,958 पर्यंतच्या इक्विटी शेअर्सची ऑफर फॉर सेल समाविष्ट आहे. प्रत्येक इक्विटी शेअरचे दर्शनी मूल्य 10 रु. आहे.

बोनफिग्लिओली ट्रान्समिशन्स लिमिटेड ही इटलीमध्ये मुख्यालय असलेल्या बोनफिग्लिओली S.p.A चा एक भाग आहे आणि F&S Report नुसार, यांत्रिक आणि विद्युत-यांत्रिक पॉवर ट्रान्समिशन्स (ऊर्जा परिवर्तन) आणि औद्योगिक ड्राइव्ह सोल्यूशन्स उद्योगात जागतिक स्तरावर तांत्रिकदृष्ट्या प्रगत आणि अग्रगण्य कंपन्यांपैकी एक आहे. 31 डिसेंबर 2024 रोजी संपलेल्या वर्षासाठी कंपनीचा महसूल 1,190.9 दशलक्ष युरो (105.91 अब्ज रु.) होता.

कंपनी वैविध्यपूर्ण अशा अंतिम-उपयोगकर्ता बाजारपेठांमध्ये वापरल्या जाणाऱ्या अत्यावश्यक आणि उच्च अचूक अभियांत्रिकीद्वारे विकसित केलेल्या गिअरबॉक्सेस आणि ड्राइव्ह सिस्टीम्सची विस्तृत श्रेणी तयार करते (Source: F&S Report). जवळपास 70 वर्षे जागतिक पातळीवर स्थान असलेल्या बोनफिग्लिओली ब्रँडमध्ये कंपनीची परंपरा आणि प्रतिष्ठा सामावलेली आहे. भारतात 25 वर्षांहून अधिक काळ कंपनी कार्यरत आहे.

अंतिम वापराच्या उपयोजनांवर आधारित कंपनी तीन प्रमुख व्यवसाय विभागांना सेवा पुरवते: औद्योगिक आणि ऑटोमेशन सुविधा, ऑफ हायवे मोबिलिटी (दळणवळण) आणि विंड इंडस्ट्रीज. 

F&S अहवालानुसार, 30 सप्टेंबर 2025 पर्यंत कामकाजामधून मिळालेल्या महसुलाच्या दृष्टीने, बोनफिग्लिओली ट्रान्समिशन्स लिमिटेड ही भारतातील औद्योगिक आणि ऑटोमेशन सुविधा (gear motors < 15 kNm), ऑफ हायवे मोबिलिटी (दळणवळण) आणि विंड इंडस्ट्रीज मध्ये कार्यरत असलेल्या ओरिजिनल इक्विपमेंट मॅन्युफॅक्चरर्स (“OEMs”) आणि अंतिम वापरकर्त्यांसाठी गिअरबॉक्सेस आणि ड्राइव्ह्सची सर्वात मोठी उत्पादक आहे. तसेच आर्थिक वर्ष 2024 मध्ये महसुलाच्या दृष्टीने कंपनी भारतातील प्लॅनेटरी गिअरबॉक्सेसच्या सर्वात मोठ्या उत्पादकांपैकी एक आहे. (Source: F&S Report).

30 सप्टेंबर 2025 रोजी संपलेल्या नऊ महिन्यांसाठी कंपनीचा कामकाजामधून मिळणारा महसूल 14,601.74 दशलक्ष रु. होता आणि 31 डिसेंबर 2024 रोजी संपलेल्या वर्षासाठी 18,640.79 दशलक्ष रु. होता, तर करपश्चात नफा अनुक्रमे 1,651.89 दशलक्ष रु. आणि 1,946.89 दशलक्ष रु. होता.

रेड हेरिंग प्रॉस्पेक्टस द्वारे सादर करण्यात आलेले इक्विटी शेअर्स बीएसई लिमिटेड (“BSE”) आणि नॅशनल स्टॉक एक्स्चेंज ऑफ इंडिया लिमिटेड (“NSE” आणि BSE सोबत मिळून “Stock Exchanges”) या स्टॉक एक्स्चेंजेसवर सूचीबद्ध करण्याचा प्रस्ताव आहे.

ॲक्सिस कॅपिटल लिमिटेड, बीएनपी परिबास, आयसीआयसीआय सिक्युरिटीज लिमिटेड आणि जेफरीज इंडिया प्रायव्हेट लिमिटेड हे या इश्यूचे बुक रनिंग लीड मॅनेजर्स आहेत.

डीआरएचपी लिंक: https://www.axiscapital.co.in/contents/Bonfiglioli%20Transmissions%20Limited-DRHP-1770695579.pdf