'गार्टेक्स टेक्सप्रोसेस इंडिया कडून दमदार उद्योग प्रदर्शन

 'गार्टेक्स टेक्सप्रोसेस इंडिया कडून दमदार उद्योग प्रदर्शन

भारतातील कापड समुदायाला एकाच छताखाली एकत्र आणून 'गार्टेक्स टेक्सप्रोसेस इंडिया मुंबई-२०२५ आवृत्ती अंतर्गत या उद्योगातील सुधारणा प्रदर्शनाद्वारे सादर करण्यात आल्या. यामध्ये कापड आणि वस्त्र उत्पादन यंत्रसामग्री आणि तंत्रज्ञान आणि कापड, डिजिटल स्क्रीन प्रिंट, साधनसामग्री आणि ट्रिम्समधील नवकल्पनांवर विशेष लक्ष केंद्रित करण्यात आले आहे. भारत, चीन, इटली, जपान, कोरिया, सिंगापूर आणि तैवानसह १२५ हून अधिक प्रदर्शक, या प्रदर्शनात आंतरराष्ट्रीय स्तरावरील प्रभावी सहभाग जागतिक वस्त्रोद्योगात भारताची वृद्धिंगत होणारी भूमिका अधोरेखित करतो. [OP(I1] प्रदर्शनाच्या उद्घाटन सोहळ्याला माननीय श्री. संजय सावकारे, वस्त्रोद्योग मंत्री, महाराष्ट्र सरकार, श्री. शशांक चौधरी, आयएएस, अतिरिक्त मुख्य कार्यकारी अधिकारी (सीईओ) इन्व्हेस्ट यूपी, श्री. स्टीवन फॅंग, अध्यक्ष, तैवान सिवींग  मशिनरी असोसिएशन, श्री. एल्गर स्ट्रॉब, व्यवस्थापकीय संचालक, व्हीडीएमए टेक्सटाइल केअर, फॅब्रिक आणि लेदर टेक्नॉलॉजीज, श्री. शरद जयपुरिया, अध्यक्ष, डेनिम मॅन्युफॅक्चरर्स असोसिएशन आणि मुख्य व्यवस्थापकीय संचालक (सीएमडी), गिन्नी इंटरनॅशनल लिमिटेड, श्री. सायमन ली, व्यवस्थापकीय संचालक (एमडी), ह्योसंग ग्रुप (इंडिया), श्री. आमिर अख्तर, ग्रुप प्रेसिडेंट आणि सीईओ - टेक्सटाईल्स, जिंदाल वर्ल्डवाइड लिमिटेड, श्री. अरविंद माथूर, उपाध्यक्ष, डेनिम मॅन्युफॅक्चरर्स असोसिएशन आणि सीईओ, रेमंड युको प्रायव्हेट लिमिटेड, श्री. गौरव जुनेजा, संचालक, एमईएक्स एक्झिबिशन्स प्रायव्हेट लिमिटेड, श्री. राज मानेक, कार्यकारी संचालक आणि बोर्ड सदस्य, मेस्से फ्रँकफर्ट एशिया होल्डिंग्ज लिमिटेड, श्री. गगनदीप सिंग, सरचिटणीस, डेनिम मॅन्युफॅक्चरर्स असोसिएशन आणि श्री. विन्स्टन परेरा, कार्यकारी संचालक, मेस्से फ्रँकफर्ट ट्रेड फेअर्स इंडिया प्रायव्हेट लिमिटेड अनेक मान्यवरांची उपस्थिती होती.

महाराष्ट्रा सरकारने आपले वस्त्रोद्योग धोरण राबविण्यास सुरुवात केली आहे, जे क्षेत्रीय स्वरूपात कार्य करते. टप्पा- १ मध्ये ४५ टक्के अनुदान मिळण्यास मदत होऊ शकते, टप्पा-२ ४० टक्के तर टप्पा- ३ ३५ टक्के अनुदान मिळते. आम्ही शून्य-कचरा पद्धतीची घोषणा केली आहे, ज्याचा उद्देश कापड कचऱ्याचा पुनर्वापर करून आणि त्याचे कार्पेटसारख्या वापरण्यायोग्य साहित्यात रूपांतर करून त्यावर नियंत्रण ठेवणे आहे. यासाठी खासगी क्षेत्राला पूर्वी नमूद केलेल्या अनुदानांव्यतिरिक्त प्रतियुनिट २ रुपये आणि सहकारी संस्थांना प्रतियुनिट ३ रुपये वीज अनुदानाचा लाभ होऊ शकतो. अमरावती येथे 'पीएम मित्र पार्क' लवकरच सुरू होईल, त्याचे बहुतेक काम पूर्ण झाले आहे  व ते अंतिम टप्प्यात आहे. मला या भव्य कार्यक्रमात उपस्थित राहणाची संधी दिल्याबद्दल मी आयोजकांचे आभार मानतो आणि तुम्हा सर्वांना खूप खूप शुभेच्छा देतो.'

'इन्व्हेस्ट यूपी'चे अतिरिक्त सीईओ श्री. शशांक चौधरी (आयएएस) यांनी माहिती दिली, की 'पीएम मित्र योजनेअंतर्गत, आम्ही लखनौजवळ एक मेगा-इंटिग्रेटेड टेक्सटाईल पार्क विकसित करत आहोत, ज्यामध्ये १,००० एकर जमीन व्यापली जाणार आहे. हे पार्क 'सार्वजनिक खासगी भागीदारी' (पीपीपी मॉडेल) तत्त्वाअंतर्गत स्थापित केले जाईल, ज्यामध्ये गुंतवणूकदारांसाठी उत्तम संधी मिळणार आहेत. विविध प्रकारच्या परवानग्यांसाठी उत्तर प्रदेश सरकार ' सिंगल विंडो क्लिअरन्स योजना’ आणि मंजुरीसाठी नवीन संकेतस्थळ विकसित करत आहे. तसेच आम्ही चांगले गुंतवणूकदार आकर्षित करण्यात यशस्वी झालो आहोत.

एमईएक्स एक्झिबिशन्स प्रायव्हेट लिमिटेडचे संचालक श्री. गौरव जुनेजा म्हणाले, की 'एक प्रदर्शन म्हणून 'गार्टेक्स टेक्सप्रोसेस इंडिया' सातत्याने विकसित होत आहे. आणि हा बदल दरवर्षी आमच्या मुंबई आणि नवी दिल्लीतील आवृत्त्यांमध्ये प्रतिबिंबित होत आहे. मेस्से फ्रँकफर्ट एशिया होल्डिंग्ज लिमिटेडचे कार्यकारी संचालक आणि बोर्ड सदस्य श्री. राज मानेक यांनीही अशाच भावना व्यक्त केल्या. ' हा कार्यक्रम प्रदर्शनाच्याही पलीकडे जातो; हा कार्यक्रन उद्योगातील परिवर्तन सक्षम करण्याबद्दल आहे. जागतिक पुरवठा साखळी पुन्हा नव्याने जुळत असताना, 'गार्टेक्स टेक्सप्रोसेस इंडिया'सारखे व्यासपीठ या उद्योगातील भागधारकांना जोडण्यासाठी महत्त्वाचे ठरतात हे प्रदर्शन एमईएक्स एक्झिबिशन्स प्रायव्हेट लिमिटेड आणि मेस्से फ्रँकफर्ट ट्रेड फेअर इंडिया प्रायव्हेट लिमिटेड यांनी संयुक्तपणे आयोजित करण्यात आले आहे.

आशुतोष गोवारीकर झळकणार 'एप्रिल मे ९९'मध्ये

आशुतोष गोवारीकर झळकणार 'एप्रिल मे ९९'मध्ये 

उन्हाळ्यांच्या सुट्ट्यांची आठवण करून देणारा 'एप्रिल मे ९९' येत्या २३ मे रोजी प्रेक्षकांच्या भेटीला येत आहे. या चित्रपटाची प्रेक्षक आतुरतेने वाट पाहात असतानाच आता या चित्रपटातील आणखी एक कलाकार समोर आला आहे. या चित्रपटात प्रसिद्ध दिग्दर्शक आणि अभिनेते आशुतोष गोवारीकर एका महत्वपूर्ण भूमिकेत झळकणार आहेत. त्यामुळे आता या चित्रपटाची उत्सुकता अधिकच वाढली आहे. 

नुकत्याच प्रदर्शित झालेल्या पोस्टरमध्ये श्रीकांत खेडेकर आणि जाई खेडेकर दिसत आलेत. वडील मुलीच्या नात्यातील जिव्हाळा यात दिसतोय. जुन्या काळातील लँडलाईन फोनवरून होत असलेला त्यांचा हा संवाद एका गोड, भावनिक कथेची झलक देतो. ‘एप्रिल मे ९९’ ही कथा १९९९ सालातील पार्श्वभूमीवर आधारित असून, काळाच्या ओघात हरवलेल्या नात्यांच्या आणि आठवणींच्या गुंफणीतून प्रेक्षकांना एक भावनिक सफर घडवून आणणार आहे.

मापुस्कर ब्रदर्स इन असोसिएशन फिंगर प्रिंट फिल्म्स, नेक्सस अलायन्स, थिंक टँक आणि मॅगीज पिक्चर्स प्रस्तुत 'एप्रिल मे ९९’ या चित्रपटाचे लेखन आणि दिग्दर्शन रोहन मापुस्कर यांनी केले असून राजेश मापुस्कर, मधुकर कोटीयन, जोगेश भूटानी , मॉरिस नून हे निर्माते आहेत तर लॉरेन्स डिसोझा सह निर्माते आहेत. यात आर्यन मेंगजी, श्रेयस थोरात आणि मंथन काणेकर आणि साजिरी जोशी यांच्या प्रमुख भूमिका आहेत.

कान्स फिल्म फेस्टिव्हलमध्ये झळकला राष्ट्रीय पुरस्कार विजेते दिग्दर्शक राज मोरे यांचा ‘खालिद का शिवाजी’

 कान्स फिल्म फेस्टिव्हलमध्ये झळकला राष्ट्रीय पुरस्कार विजेते दिग्दर्शक राज मोरे यांचा ‘खालिद का शिवाजी’

राष्ट्रीय पुरस्कार विजेते दिग्दर्शक राज मोरे यांची पहिलीच मराठी फिचर फिल्म ‘खालिद का शिवाजी’ची कान्स फिल्म फेस्टिव्हल २०२५ मधील प्रतिष्ठित ‘मार्शे दु फिल्म’ (Marché du Film) या विभागासाठी  निवड झाली आहे. महाराष्ट्र शासनाच्या फिल्म, थिएटर आणि सांस्कृतिक विकास महामंडळ यांच्यातर्फे अधिकृत निवड झालेला हा चित्रपट नुकताच जगातील सर्वात मोठ्या चित्रपट महोत्सवात झळकला आहे. मायकेल थेवर आणि सुषमा गणवीर निर्मित, राज प्रीतम मोरे दिग्दर्शित 'खालिद का शिवाजी' या चित्रपटात  क्रिश मोरे याने खालिदची भूमिका साकारली असून सोबत प्रियदर्शन जाधव, भरत गणेशपुरे, सुषमा देशपांडे, कैलाश वाघमारे आणि स्नेहलता तागडे यांच्याही प्रमुख भूमिका आहेत. केलाश वाघमारे लिखित या चित्रपटाचे संवाद राजकुमार तंगडे यांनी लिहिले आहेत. तर विजय मिश्रा चित्रपटाचे डिओपी आहेत. 

'खालिद का शिवाजी'ची निवड कान्स महोत्सवात झाली नसून इफ्फी इंडियन पॅनोरमा - एनडीएफसी फिल्म बाजार २०२४(गोवा), अजंठा - एलोरा आंतरराष्ट्रीय चित्रपट महोत्सव २०२४ - इंडिया फोकस स्पेशल स्क्रीनिंग, फ्रिप्रेसी इंडिया ग्रँड प्रिक्स अवॉर्ड २०२५ मध्ये नामांकनही मिळाले आहे. पाचवीत शिकणाऱ्या खालिद नावाच्या मुलाची ही कथा आहे. खालिदच्या मनात प्रश्न येतात,या प्रश्नांनी भरलेले त्याचे मन अखेर ‘शिवाजी महाराज’ शोधू लागते. या निरागस प्रश्नांमधून उगम पावणारी ही कथा केवळ एका मुलाची नाही, तर आजही अनेक मुलं, व्यक्ती, कुटुंबं ज्या भेदभावाशी झुंज देत आहेत, त्यांची आहे. खालिद एका सत्यशोधकाच्या भूमिकेत जातो आणि त्याच्या नजरेतून शिवाजी महाराजांना, त्यांच्या  मूल्यांना, त्यांच्या समतेच्या विचारांना शोधतो. अशी या चित्रपटाची संकल्पना आहे. 

राज मोरे यांना आधी 'खिसा'(२०२०) या लघुपटासाठी राष्ट्रीय पुरस्कार मिळाला आहे. याव्यतिरिक्त 'बिच्छौल्या' या शाहीर लुधियानवी यांच्या कवितेवर आधारित लघुपटासाठी 'एमआयसीएफएफ २०२३'मध्ये सर्वोत्कृष्ट दिग्दर्शकाचा मिळाला होता. या चित्रपटाबद्दल दिग्दर्शक राज मोरे म्हणतात, '' ही माझी पहिली फिचर फिल्म असून या चित्रपटावर मी २-३ वर्षं मेहनत घेतली आहे. माझ्या संपूर्ण टीमचे आणि निर्मात्यांचे मी आभार मानतो, ज्यांनी माझ्यावर विश्वास ठेवला. कान्स फिल्म फेस्टिव्हलसाठी निवड झाल्यावर आता राष्ट्रीय पुरस्कार मिळण्याची शक्यता दिसू लागली आहे. ही आनंदाची भावना शब्दांत सांगता येणार नाही. लवकरच हा चित्रपट आम्ही प्रेक्षकांसाठी घेऊन येऊ.''

पैशांनी भरलेली बॅग… एक गाडी… आणि अनेक रहस्ये!

 पैशांनी भरलेली बॅग… एक गाडी… आणि अनेक रहस्ये! 

४ जुलैला उलगडणार ‘गाडी नंबर १७६०’ चे रहस्य 

मराठी चित्रपटसृष्टीत ड्रामा, सस्पेन्स आणि मनोरंजनाचा नवा स्फोट घडवणारा ‘गाडी नंबर १७६०’ येत्या ४ जुलै रोजी प्रेक्षकांच्या भेटीला येत आहे. नुकतेच या चित्रपटाचे पोस्टर सोशल मीडियावर झळकले असून या पोस्टरने प्रेक्षकांच्या मनात उत्सुकतेची लाट निर्माण केली आहे. पोस्टरमध्ये एक गाडी व त्यावर ठेवलेली पैशांनी भरलेली काळी बॅग दिसत आहे. पैशांनी भरलेली ही बॅग नेमकी कोणाची आहे? गाडी नंबर १७६० चं रहस्य काय रहस्य आहे? या सगळ्या प्रश्नांची उत्तरं ४ जुलैला मिळतील. दरम्यान, हा एक वेगळा चित्रपट असल्याचे पोस्टरवरून कळतेय. या चित्रपटात प्रथमेश परब, शुभंकर तावडे, प्रियदर्शिनी इंदलकर, सुहास जोशी, प्रसाद खांडेकर, श्रीकांत यादव आणि शशांक शेंडे यांसारखे अफलातून कलाकार पाहायला मिळणार असून त्यांच्या अभिनयाने चित्रपट आणखीनच रंगतदार ठरेल. 

दिग्दर्शक योगिराज संजय गायकवाड म्हणतात, “ ‘गाडी नंबर १७६०’ या चित्रपटात एक ॲडव्हेंचर आहे जे पाहाणे प्रेक्षकांसाठी रंजक ठरेल. प्रत्येक पात्राचे वेगळे रहस्य आहे, प्रत्येक वळणावर थरार आहे, यामुळे प्रेक्षकांचे भरपूर मनोरंजन करणारा हा चित्रपट आहे. लवकरच हा चित्रपट प्रदर्शित होणार असून प्रेक्षकांना काहीतरी वेगळे पाहायला मिळेल.”

निर्माते कैलाश सोराड़ी म्हणतात, “ हा एक वेगळा चित्रपट आहे. मराठी सिनेसृष्टीत अशा प्रकारचे चित्रपट फार कमी बनले आहेत. या चित्रपटात थ्रिल, सस्पेन्स, कॉमेडी, ड्रामा एकत्र पाहायला मिळेल. मनोरंजनाचा हा एक धमाका आहे. पोस्टरमुळे प्रेक्षकांमध्ये चित्रपटाबद्दल उत्सुकता निर्माण झाली आहे. चित्रपट आल्यावरही प्रेक्षकांची हीच उत्सुकता कायम राहील, याची मला खात्री आहे. दमदार कलाकारांच्या उत्तम अभिनयाने चित्रपट रंगला असून प्रेक्षकांना ‘गाडी नंबर १७६०’ ची ही कहाणी नक्कीच आवडेल.” 

तन्वी फिल्म्स प्रस्तुत या चित्रपटाचे निर्माते कैलाश सोराडी आणि विमला सोराडी आहेत, तर लेखन आणि दिग्दर्शनाची जबाबदारी योगीराज संजय गायकवाड यांनी सांभाळली आहे.

’ Bhool Chuk Maaf starring Rajkummar Rao and Wamiqa Gabbi’ tops IMDb’s Most Anticipated Movies list

Dinesh Vijan’s Maddock Films’ 

Bhool Chuk Maaf 

*Rajkummar Rao and Wamiqa Gabbi’ tops IMDb’s Most Anticipated Movies list

Bhool Chuk Maaf has generated considerable excitement among movie enthusiasts, evidenced by its recent achievement of topping IMDb's list of Most Anticipated Movies. This prestigious recognition from IMDb is a strong indicator of the film’s massive buzz and growing popularity among Indian and global audiences alike.

Directed by Karan Sharma, this family entertainer explores a unique blend of romance, humour, and a time-loop twist set against the vibrant backdrop of Varanasi.

Produced by Dinesh Vijan’s Maddock Films, in association with Amazon MGM Studios, Bhool Chuk Maaf continues the studio’s tradition of delivering engaging and innovative cinema.

‘वामा लढाई सन्मानाची’ चित्रपटातील टायटल साँग प्रदर्शित कैलास खेर यांच्या आवाजातील हे गीत ठरतेय प्रेरणादायी

 ‘वामा लढाई सन्मानाची’ चित्रपटातील टायटल साँग प्रदर्शित

कैलास खेर यांच्या आवाजातील हे गीत ठरतेय प्रेरणादायी

‘वामा - लढाई सन्मानाची’ या चित्रपटातील टायटल साँग नुकतेच प्रदर्शित झाले असून, रसिकांमध्ये आता या चित्रपटाविषयी विशेष उत्सुकता निर्माण झाली आहे. प्रसिद्ध गायक कैलास खेर आणि मंजिरा गांगुली यांच्या जोशपूर्ण आवाजात सादर करण्यात आलेले हे गीत मंदार चोळकर यांनी शब्दबद्ध केले असून रिजू रॉय यांचे जबरदस्त संगीत लाभले आहे. हे गाणे म्हणजे सन्मानासाठी लढणाऱ्या स्त्रीशक्तीचं प्रतीक आहे. 

या गाण्यातून केवळ संघर्षच नाही तर एक सामाजिक संदेशही उमटतो. 'वामा लढाई सन्मानाची'चे बोल अतिशय शक्तिशाली असून ते संघर्ष, आत्मगौरव आणि नारीशक्तीच्या उभारणीचे दर्शन घडवतात. चित्रपटाच्या आशयाला साजेसे असे हे टायटल साँग स्त्रीच्या संघर्षाची आणि सन्मानासाठीच्या लढाईची तीव्रता प्रेक्षकांपर्यंत पोहोचवते. 

गाण्याबद्दल गायक कैलास खेर म्हणतात, '' हे टायटल साँग इतके ऊर्जेने भरलेले आहे, की ते ऐकताना आपसूकच एक बळ मिळते. या गाण्याचे बोल प्रत्येक स्त्रीला बुद्धिमान, निर्भय आणि जिंकण्यासाठी सज्ज करणारे आहेत. हे गाणे खरंतर महिलांच्या सक्षमीकरणाचे ब्रीदगीत आहे, असे म्हटले तरी चालेल.'' 

दिग्दर्शक अशोक कोंडके म्हणतात, '' कैलास खेर, मंजिरी गांगुली यांचा दमदार आवाज, संगीताची लयबद्धता आणि शब्दांतील स्फूर्ती एकत्र येऊन बनलेले हे  टायटल साँग एक संस्मरणीय अनुभव देणारे आहे. या प्रेरणादायी गाण्यात लढ्याचा, आत्मसन्मानाचा आणि स्त्रीशक्तीच्या गौरवाचा झणझणीत संदेशही आहे. मला खात्री आहे, हे गाणे प्रेक्षकांच्या नक्कीच पसंतीस उतरेल.'' 

ओंकारेश्वरा प्रस्तुत व सुब्रमण्यम के. निर्मित ‘वामा - लढाई सन्मानाची’ चित्रपटाचे लेखन व दिग्दर्शन अशोक आर. कोंडके यांनी केले असून कश्मीरा कुलकर्णी, डॉ. महेश कुमार, गणेश दिवेकर, जुई बी यांच्या प्रमुख भूमिका आहेत.

LG इलेक्ट्रॉनिक्स इंडिया लिमिटेडने भारतात आपल्या तिसऱ्या उत्पादन संयंत्राचे बांधकाम सुरू केले

 LG इलेक्ट्रॉनिक्स इंडिया लिमिटेडने भारतात आपल्या तिसऱ्या उत्पादन संयंत्राचे बांधकाम सुरू केले

श्री सिटी येथील नवीन उत्पादन संयंत्र 2026 च्या अखेरपर्यंत कार्यान्वित होण्याची अपेक्षा

श्री सिटी, आंध्र प्रदेश, 8 मे 2025 – LG इलेक्ट्रॉनिक्स इंडिया लि. (LGEIL) ने आंध्र प्रदेशातील श्री सिटी येथे आपल्या नवीन उत्पादन संयंत्राचे बांधकाम सुरू झाल्याची घोषणा केली आहे. एका समारंभात ही घोषणा करण्यात आली, जेथे आंध्र प्रदेश सरकारातील माहिती तंत्रज्ञान, इलेक्ट्रॉनिक्स आणि दळणवळण, रिअल टाइम गव्हर्नन्स आणि मानव संसाधन विकास मंत्री श्री. नारा लोकेश तसेच, आंध्र प्रदेश सरकारमधील उपस्थित होते. या नवीन संयंत्राचे कार्यान्वयन 2026 च्या अखेरपर्यंत सुरू होण्याची अपेक्षा आहे.

श्री सिटीच्या औद्योगिक क्षेत्रात मोक्याच्या ठिकाणी असलेले हे नवीन उत्पादन संयंत्र LGEIL ची उत्पादन क्षमता आणि या भागात स्थानिक रोजगाराच्या शक्यता वाढवेल. ही नवीन सुविधा LG इलेक्ट्रॉनिक्सचे भारतातील तिसरे संयंत्र आहे. इतर दोन संयंत्रे ग्रेटर नोयडा, उत्तर प्रदेश आणि पुणे, महाराष्ट्र येथे आहेत. त्यांच्या या गुंतवणुकीमधून LG इलेक्ट्रॉनिक्सच्या जागतिक पुरवठा साखळीतील महत्त्वपूर्ण केंद्र म्हणून भारताची क्षमता अधोरेखित होते.

आंध्र प्रदेश सरकारने LGEIL ला या नवीन संयंत्रासाठी 247 एकर जमीन श्री सिटी येथे दिली आहे. या संयंत्रामुळे सुमारे 1495 थेट नोकऱ्या उभ्या राहतील अशी अपेक्षा आहे. LGEIL या सुविधेत चार वर्षांमध्ये मिळून US $ 600 मिलियन (5001 कोटी रु.) गुंतवणूक करणार आहे, ज्याच्यात या क्षेत्रात साहाय्यक उपकरणे आणण्याची क्षमता असेल. यामुळे, आंध्र प्रदेश राज्यात मोठ्या घरगुती इलेक्ट्रॉनिक वस्तूंच्या (white goods) उत्पादनासाठी एक ईकोसिस्टम तयार होईल.

श्री सिटीमधील या नवीन संयंत्राद्वारे उत्पादन अधिक स्थानिक बनवले जाईल आणि देशभरातील LG उत्पादनांची वाढती मागणी पूर्ण करण्यात येईल, अशी अपेक्षा आहे. या संयंत्रामुळे दक्षिण भारतातील LGEIL ची पुरवठा साखळी देखील अधिक मजबूत होईल आणि या भागात राहणाऱ्या उपभोक्त्यांसाठी LG उत्पादनांची पोहोच सहज आणि सुलभ होईल. या संयंत्रात AC कॉम्प्रेसर, रेफ्रीजरेटर, वॉशिंग मशीन आणि एअर कंडिशनर वगैरे विविध उपकरणांचे उत्पादन करण्यात येणार आहे.

श्री. नारा लोकेश यांच्या व्यतिरिक्त प्रस्तुत समारंभात इतर वरिष्ठ सरकारी मंडळी तसेच LG होम अॅप्लायन्स सोल्यूशन कंपनीचे अध्यक्ष ल्यू जेई चेओल; LG ईको सोल्यूशन कंपनीचे अध्यक्ष जेम्स ली आणि LGEIL चे मॅनिजिंग डायरेक्टर हाँग जू जिओन सहित दक्षिण कोरियामधील सीनियर LG इलेक्ट्रॉनिक्स एक्झिक्युटिव्ह्ज देखील उपस्थित होते. इतर सरकारी अधिकारी आणि LGEIL मधील वरिष्ठ नेतृत्व देखील या प्रसंगी हजर होते.

आंध्र प्रदेशाची नवी राजधानी अमरावती येथून आंध्र प्रदेशाचे मुख्यमंत्री माननीय श्री. N चंद्राबाबू नायडू यांनी शुभेच्छा देताना म्हटले, “आम्ही LG इलेक्ट्रॉनिक्सचे श्री सिटी, आंध्र प्रदेश येथे मनःपूर्वक स्वागत करतो. आंध्र प्रदेशात LG इलेक्ट्रॉनिक्सच्या नवीन उत्पादन संयंत्राच्या घोषणेतून उद्योगांसाठी अनुकूल असण्याबाबत, येथे व्यवसाय करण्यास सुलभता असण्याबाबत, इनोव्हेशनला प्रोत्साहन देण्याबाबत आणि जागतिक दर्जाच्या उत्पादन केंद्रांना आश्रय देण्याबाबत आंध्र प्रदेशाची धोरणे प्रगतीशील असल्याची ग्वाही मिळते. चांगल्या प्रकारे विकसित असलेली औद्योगिक ईकोसिस्टम, उत्तम कनेक्टिव्हिटी आणि व्यवसायांसाठी पोषक वातावरण यामुळे नवीन संयंत्रासाठी श्री सिटी हे श्रेष्ठ स्थान आहे.

आंध्र प्रदेश सरकारातील माहिती तंत्रज्ञान, इलेक्ट्रॉनिक्स आणि दळणवळण, रिअल टाइम गव्हर्नन्स आणि मानव संसाधन विकास मंत्री श्री. नारा लोकेश म्हणाले, “LG इलेक्ट्रॉनिक्सने आपल्या तिसऱ्या उत्पादन सुविधेसाठी श्री सिटीची निवड केली याचा आम्हाला आनंद वाटतो. हा LG इलेक्ट्रॉनिक्सच्या भारताविषयीच्या निष्ठेचा पुरावा आहे आणि मला विश्वास वाटतो की, आंध्र प्रदेशात केलेला हा विस्तार देशभरातील LG उत्पादनांची वाढती मागणी पूर्ण करेल.”

ल्यू म्हणाले, “आमची भारताशी असलेली भागीदारी आणखी वाढवण्याच्या आणि भारताच्या आर्थिक विकासात योगदान देण्याच्या दिशेने आम्ही आणखी एक पाऊल उचलले आहे. आमच्या तिसऱ्या उत्पादन संयंत्राचे बांधकाम नोयडा आणि पुणे येथील आमच्या सध्याच्या उत्पादन सुविधांना पूरक ठरेल. ही नवीन सुविधा नवीन रोजगारांची निर्मिती करेल आणि स्थानिक उत्पादन वाढवेल.”