प्रशांत दळवी- जिज्ञासा भोई-

मुंबईच्या अनपेक्षित जिज्ञासाच्या प्रश्नावलीमुळे जजेस् ही कोड्यात

मुंबईच्या जिज्ञासाच्या प्रश्नावलीची जजेस् ना ही भिती...

मुंबईकर ‘अनपेक्षित जिज्ञासा’मध्ये दिसून येतो एक वेगळाच स्पिरीट

महाराष्ट्राच्या कानाकोपऱ्यातून निवडलेल्या स्पर्धकांमध्ये सध्या सुपर डान्सर महाराष्ट्र होण्यासाठी चांगलीच चुरस रंगली आहे. या सगळ्याच स्पर्धकांमध्ये नृत्यकौशल्याबरोबरच अजूनही काही कौशल्य आहेत ज्यामुळे हे एकमेकांपेक्षा वेगळे ठरत आहेत. आणि यांचं हेच वेगळेपण जजेस् बरोबरच प्रेक्षकांना ही भावतं आहे. आपल्या नावाला साजेशी, असंच वेगळेपण जपणारी जिज्ञासा... जिच्या नावातच आजूबाजूला घडणाऱ्या गोष्टी जाणून घेण्याची उत्सुकता आहे. ती अगदी आपल्या नावाला साजेशी वागते. ९ वर्षांची ही चिमुरडी जजेस् ना ही  कोड्यात पाडेल असे प्रश्न सतत विचारत असते.

अवघ्या ३ वर्षात नृत्याला सुरूवात करणारी मुंबईची जिज्ञासा भोई तिचे गुरू प्रशांत दळवीसोबत या स्पर्धेत सहभागी झाली आहे. ती मंचावर आली की आज जिज्ञासा कोणत्या गाण्यावर परफॉर्म करणार यापेक्षा आज जिज्ञासा मंचावर येऊन कोणते प्रश्न विचारणार आणि आपण त्याला काय उत्तर देणार याचा विचार जजेस् करत असतात. जिज्ञासा मंचावर येताना तगडी प्रश्नावली घेऊन येते ज्याने जजेस् च्याही नाकी नऊ येतात. त्यामुळे जिज्ञासाला आता ‘अनपेक्षित जिज्ञासा’ हे नाव आपसूक पडलंय आणि हे परीक्षकांना देखील पटलंय. प्रश्नांचा गुलदस्ता स्वत: जवळ बाळगणारी ही जिज्ञासा, नृत्याचा देव समजला जाणाऱ्या प्रभु देवा यांच्या आगामी ‘लक्ष्मी’ चित्रपटात महत्त्वाच्या भूमिकेत दिसणार आहे.

मुंबईमध्ये जो एक स्पिरीट आहे, जी एक बिनधास्त भावना आहे, तशीच भावना आणि तिच एनर्जी मुंबईकर जिज्ञासामध्ये दिसून येते आणि त्यामुळेच बिनधास्त, बेधडकपणे प्रश्न विचारण्याचा जिज्ञासाचा स्वभाव आहे. 

मुंबईची जिज्ञासा आपल्या अनपेक्षित प्रश्नांनी जजेस् ना पेचात पाडते आहे तर आपल्या नृत्यकौशल्यांनी त्यांच्याकडून कौतुकाची थाप देखील मिळवत आहे. आता सुपर डान्सर महाराष्ट्र हा किताब मिळवण्यासाठी जिज्ञासा अजून जिद्दीने, मेहनतीने तिचं स्वप्न पूर्ण करण्याचा प्रयत्न करणार आहे आणि तिच्या या प्रयत्नातून तयार झालेले कमालीचे नृत्य पाहण्यासाठी पाहत राहा सुपर डान्सर महाराष्ट्र फक्त आपल्या सोनी मराठी वाहिनीवर.

सुपर डान्सर महाराष्ट्र या मनोरंजनाच्या कार्यक्रमात लवकरच एका विशेष थीमच्या माध्यमातून विशेष नृत्य पाहायला मिळणार आहे आणि ती खास थीम म्हणजे 'महाराष्ट्राचे लोकनृत्य'. ही खास थीम असलेल्या विशेष भागात गायक आनंद शिंदे यांची प्रमुख उपस्थिती असणार आहे. महाराष्ट्राचा बुलंद आवाज अशी ओळख निर्माण करणा-या आनंद यांनी आतापर्यंत हजारच्या वर गाणी गायली आहेत आणि विशेष म्हणजे त्यांची गाणी नेहमीच हिट ठरली आहेत. आनंद शिंदेची गाणी प्रत्येकाला ठेका धरायला भाग पाडते. आनंद शिंदे यांच्या उपस्थितीत छोट्या उस्तादांनी 'महाराष्ट्राचे लोकनृत्य' या थीमवर आधारित सर्वांचे लक्ष नक्कीच वेधून घेईल असे एका पेक्षा एक नृत्य सादर करणार आहेत. आपले नृत्यकौशल्य दाखवणा-या छोट्या उस्तादांनी आनंद शिंदे यांच्यासोबत भरपूर धमाल देखील केली आहे आणि विशेष म्हणजे जिज्ञासाच्या स्वभावामुळे आणि नृत्यकौशल्यामुळे आनंद शिंदे तिचे फॅन बनले आहेत, असेही त्यांनी या कार्यक्रमात सांगितले.  

आनंद शिंदे यांची उपस्थिती असलेल्या विशेष भागातील सर्व धमाल, मस्ती, कमाल नृत्य अनुभवण्यासाठी पाहत राहा  सुपर डान्सर महाराष्ट्र फक्त सोनी मराठीवर.

स्त्री विरुध्द चेटकिणीचा मायाजाळ!

प्रेमाच्या या निरंतर लढ्यात सियाचे प्रेम वरचढ ठरेल की मोहिनीचे पछाडलेपण?

v ‘झी टीव्ही’वरील ‘मनमोहिनी’मध्ये रेहना पंडित, अंकित सिवच आणि गरिमासिंह राठोड यांच्या प्रमुख भूमिका

झी टीव्ही लवकरच प्रेक्षकांना एका कल्पनारम्य विश्वात घेऊन जाण्यासाठी मनमोहिनी ही नवी फॅण्टसी मालिका प्रसारित करणार आहे. तिचा कथा प्रामुख्याने निरंतर प्रेम, सूड, लालसा, पछाडलेपण आणि यासारख्या टोकाच्या भावनांशी निगडित आहे. वाळूचा प्रत्येक कण जिथे एक कथा सांगतो, अशा राजस्थानच्या मरूभूमीत या मालिकेची कथा घडते. मनमोहिनी नावाच्या एका अतृप्त आत्म्याची (चेटकिणीची) ही कथा असून ती गेली 500 वर्षे तिचा प्रियकर राम याच्याबरोबर मीलन घडण्यासाठी आसुसलेली असते. ती आता परतते आणि राम व त्याची पत्नी सिया यांच्या जीवनाला घेरून टाकते. त्यात सियाच्या रामावरील विशुध्द आणि निखळ प्रेमाचा मोहिनीच्या आसुरी शक्तीविरुध्द होणार्‍्या झंझावाती संघर्षाचे चित्रण आहे. रेहना पंडित, अंकित सिवच आणि गरिमासिंह राठोड हे कलाकार यात प्रमुख भूमिकेत आहेत.

रूपसुंदर रेहना पंडित ही यात मोहिनीची भूमिका साकारीत असून आपल्या भूमिकेतून आपण चेटकिणीची व्याख्याच बदलून टाकण्याचा प्रयत्न करू, असे ती सांगते. “सामान्यत: चेटकीण म्हटली की एक भयावह आणि हिडीस व्यक्तीरेखा आपल्या डोळ्यापुढे उभी राहते. पण मोहिनी ही तशी अजिबात नाहीये. किंबहुना ती अतिशय सुंदर, आकर्षक आणि शक्तिशाली असून तिचं मन रामाविषयीच्या प्रेमाने पछाडलेलं असतं. तिला रामाची लागलेली ओढ ही वेडेपणाच्या मर्यादेपर्यंत गेलेली असली, तरी वेगळ्या अर्थाने आकर्षकही आहे. हे सर्व घटकांमुळे मी या भूमिकेकडे आकर्षित झाले आणि चेटकिणी आणि त्यांची चेटूकविद्या छोट्या पडद्यावर साकार करण्यास मी उत्सुक झाले आहे,” असे ती सांगते.

रामाची भूमिका रंगविणार्‍्या देखण्या अंकित सिवचने सांगितले की मनमोहिनी मालिकेत प्रेमाची आणि प्रेमाच्या झपाटलेपणाची एक वेगळीच बाजू प्रेक्षकांसमोर येईल. “गूढ, रहस्य, प्रेम, अमानवी शक्ती आणि मुख्य म्हणजे मनाची जबरदस्त पकड घेणार्‍्या कथानकाद्वारे मनमोहिनीमध्ये प्रेमाची जादू टाकलेली दिसेल. माझी रामाची व्यक्तिरेखा ही मोहिनीच्या प्रेमाच्या सापळ्यात अडकलेली असून त्यामुळे त्याचं जीवनच बदलून जातं. ही भूमिका रंगविण्याच्या कल्पनेमुळे मी आनंदित असलो, तरी दुसरीकडे मनातून काहीसा साशंक आणि अधीरही झालो आहे,” असे अंकित सांगतो.

सौंदर्यवती गरिमासिंह राठोड ही या मालिकेतील सियाच्या भूमिकेद्वारे टीव्ही मालिकांमध्ये पदार्पण करीत आहे. “टीव्ही मालिकांमध्ये पदार्पण करण्यासाठी मला ‘मनमोहिनी’सारखी मालिका आणि सियासारखी भूमिका मिळावी, यापेक्षा दुसरी चांगली गोष्ट कोणती असू शकते! या मालिकेकडून माझ्या बर्‍्याच अपेक्षा आहेत. मी साकारणारी सिया ही एक साधसुधी मुलगी असून तिचं तिचा पती राम याच्यावर निरतिशय प्रेम असतं. त्यामुळे मोहिनीच्या दुष्ट प्रभावापासून रामाला वाचविण्यासाठी ती कोणत्याही टोकाला जाऊ शकते. ही भूमिका उभी करण्यासाठी मी घेतलेल्या मेहनतीची दखल प्रेक्षक घेतील आणि मला या भूमिकेत पाठिंबा देतील, अशी आशा आहे,”  असे गरिमाने सांगितले.

बहुप्रतीक्षित ‘मनमोहिनी’चे प्रसारण लवकरच ‘झी टीव्ही’ वाहिनीवरून केले जाईल.