इंडियन आयडल मराठी'च्या मंचावर येणार सुप्रसिद्ध संगीतकार प्यारेलाल रामप्रसाद शर्मा!

 

पाहा, सोमवार-बुधवार, रात्री 9 वा., फक्त सोनी मराठी वाहिनीवर.

 

'इंडियन आयडल मराठी' या कार्यक्रमातल्या प्रत्येक स्पर्धकाने महाराष्ट्राच्या मनात वेगळं स्थान निर्माण केलंय.  'अभिमान देशाचा, आवाज महाराष्ट्राचा' हे ब्रीदवाक्य असलेला हा स्वप्नपूर्तीचा मंच खरंच रत्नं घडवतो आहे. अखेरीस महाराष्ट्राला आता टॉप 5 स्पर्धक मिळाले आहेत. अंतिम फेरीसाठी आता सुरांची टक्कर बघायला मिळते आहे. यंदाच्या आठवड्यात स्पर्धकांचा उत्साह वाढवण्यासाठी सुप्रसिद्ध संगीतकार प्यारेलाल रामप्रसाद शर्मा येणार आहेत.

 

लक्ष्मीकांत-प्यारेलाल (ऊर्फ एल.पी. किंवा लक्ष्मी-प्यारे) ही एक सुप्रसिद्ध बॉलीवूड संगीतकार जोडी होती. अनेक हिंदी चित्रपटांना यांनी संगीत दिले आहे. या जोडीतले प्यारेलाल रामप्रसाद शर्मा यंदाच्या आठवड्यात सुरांच्या मंचावर येणार आहेत. ते स्पर्धकांना मार्गदर्शन करणार आहेत. यंदाचा आठवडा खरंच खास असणार आहे. लक्ष्मीकांत- प्यारेलाल या लोकप्रिय जोडीने संगीतबद्ध केलेली गाणी स्पर्धक सादर करणार आहेत. प्यारेलाल सुरांच्या मंचावर किश्शांचा आणि आठवणींचा पेटारा उघडणार आहेत. त्यांचा अनुभव ते या नवीन पिढीबरोबर शेअर करणार आहेत.

 

प्यारेलाल यांची  गाणी, त्यांनी सांगितलेले किस्से हे सगळं पाहण्यासाठी, 11,12 आणि 13 एप्रिल रोजी रात्री 9 वाजता  'इंडियन आयडल मराठी' फक्त सोनी मराठी वाहिनीवर.