गोदरेजचा ऑटोमॅटिक होम फ्रॅगरन्स क्षेत्रात प्रवेश

भारतातील २० कोटीची ब्रँडेड ऑटोमॅटिक-स्प्रे बाजारपेठ काबीज करणार

मुंबई, ११ ऑक्टोबर २०१८ – होम अँड कार फ्रॅगरन्स क्षेत्रात आघाडीवर असलेल्या गोदरेज कन्झ्युमर प्रॉडक्ट्स लिमिटेड कंपनीने गोदरेज एयर मॅटिक लाँच करत ऑटोमॅटिक होम फ्रॅगरन्स क्षेत्रात पर्दापण केले आहे. हे नवे उत्पादन गोदरेजच्या एयर ब्रँच उत्पादन श्रेणीअंतर्गत लाँच करण्यात आले असून त्यात एयर स्प्रे, एयर ट्विस्ट, एयर क्लिक आणि एयर पॉकेट यांचा समावेश आहे.

गोदरेज एयर मॅटिक हे एक ऑटोमॅटिक, बॅटरीवर चालणारे स्प्रे मशिन आहे जे आकर्षक डिझाइन व स्मार्ट पॅकेजिंगसह उपलब्ध करण्यात आले आहे. हे उत्पादन कुठेही वापरता येत असल्यामुळे ते भिंतीवर एखाद्या कोपऱ्यात ठेवून देता येईल. एयर मॅटिकच्या एका रिपिलमध्ये २२०० स्प्रेजचा समावेश आहे. आणि ते एकाच मशिनमध्ये १०, २० किंवा ४० मिनिटांनी स्प्रे होण्याचा पर्याय उपलब्ध आहे. घरासाठी आवश्यक बनलेल्या उत्पादनासाठी ग्राहकांकडून सतत येणारी मागणी लक्षात घेत एयर मॅटिकचे लाँच करण्यात आले आहे.

सुनील कटारिया, मुख्य कार्यकारी अधिकारी, भारत-सार्क, गोदरेज कन्झ्युमर प्रॉडक्ट्स लिमिटेड (जीसीपीएल) पुढे म्हणाले, ‘एयर मॅटिक क्षेत्रात आम्ही आधीपासूनच आघाडीवर आहोत. सध्या उपलब्ध असलेल्या एयर उत्पादन श्रेणीद्वारे आम्ही ग्राहकांना होम फ्रेशनर्स, कार फ्रॅगरन्सेस, बाथरूम फ्रेशनर्स पुरवतो जे स्मार्ट पद्धतीने तयार करण्यात आले आहेत आणि ताज्या सुगंधांमध्ये उपलब्ध आहेत. एयर मॅटिकद्वारे गोदरेज एयर भारतातील २० कोटी रुपयांच्या ब्रँडेड ऑटोमॅटिक-स्प्रे बाजारपेठेत स्वतःचे स्थान बनवणार.’

एयर मॅटिक- स्प्रे मशिनमध्ये एलईडी स्विच देण्यात आला असून ते तीन रंगांत उपलब्ध आहे. त्यात काळा (व्हायलेट व्हॅली ब्लूम), पिंक (पेटल क्रश) आणि ब्लू (कूल सर्फ ब्लू) यांचा समावेश आहे. एयर मॅटिक देशभरातील प्रमुख शहरांत ई- कॉमर्स व आधुनिक रिटेल दालनांत उपलब्ध आहे.