मकरंद 'बने' पेशंट

OR

'ह.म.बने तु.म.बने'मध्ये आंबटगोड प्रसंगांची मज्जा

Press Note :

Mumbai, 18^th April 2019

हॉस्पिटलचं नाव काढलं, की भल्याभल्यांच्या पोटात गोळा येतो. घरातील कोणी जेव्हा अचानक हॉस्पिटलाईज होतो तेव्हा सगळ्या कुटुंबांचं स्वास्थ्य बिघडतं.सर्वजण काळजीने ग्रस्त होतात. वेगवेगळ्या टेस्ट्स, गोळ्या-औषधे, रिपोर्ट्स याच्या विचाराने पेशंट आणि कुटुंबियांनाही नकोसे वाटू लागते. अशा परिस्थितीत जर पेशंट खंबीर असेल तर दिलासा मिळतो. नाहीतर आपण खंबीर राहून पेशंटलाही उभारी द्यायची वेळ येते. पेशंटसाठी डबा घेऊन जाणे, औषधगोळ्या आणणे आणि पेशंटच्या सतत सोबत राहून त्याला काय हवे नको ते बघणे यासाठी सर्व कुटुंबाला राबावे लागते. पेशंटला भेटायला येणारे निरनिराळ्या नातेवाईक, त्यांचे तऱ्हेवाईक सल्ले, त्यांनी सांगितलेले आजारपणाचे भयंकर किस्से यांचा मनस्ताप सहन करावा लागतो. आपल्या माणसाला कशाचीही कमी पडू नये म्हणून डॉक्टर, नर्स, आया, वार्डबॉय यांची मर्जी सांभाळावी लागते. सगळं घरच हॉस्पिटल मध्ये भरती झालं आहे की काय असं वाटू लागतं. पण हा हॉस्पिटलचा अनुभव आपल्याला नक्कीच नवीन काहीतरी शिकवून जातो. या निमित्ताने सर्व कुटुंबीय एकत्र येतात आणि आजारी माणसाची देखभाल करतात. नात्यांची वीण जरा अजूनच घट्ट होते. नंतर आपली प्रिय व्यक्ती बरी झाल्यावरही वेगळेच समाधान मिळते.

‘ह. म. बने तु. म. बने' ही मालिकाही आपल्या रोजच्या जगण्यातील असे विषय नेहमीच प्रेक्षकांपुढे घेऊन येत असते. आताही तसाच प्रसंग आला आहे. मकरंद हॉस्पीटलमध्ये अॅडमिट आहे. आता हा प्रसंग बने कुटुंबिय त्यांच्या निरनिराळ्या स्वभावामुळे कसे हाताळतील आणि त्यातून कशी हलकीफुलकी कौटुंबिक कॉमेडी होईल, हे पाहणे मनोरंजक असणार आहे. म्हणूनच ‘ह. म. बने तु. म. बने'चे हेएक्सायटिंग एपिसोड्स नक्की पहा, २२ एप्रिल ते २७ एप्रिलच्या दरम्यान फक्त सोनी मराठी चॅनेलवर.