गोवा टुरिझमतर्फे भारतातील पहिला इलेक्ट्रिक व्हेईकल पर्यटन उपक्रम लाँच

 पणजी, १६ नोव्हेंबर २०१८ – माननीय पर्यटन मंत्री श्री. मनोहर आजगांवकर आणि जीटीडीसीचे माननीय अध्यक्ष श्री. दयानंद सोपटे यांनी आज पर्यटन भवन, पणजी येथे भारतातील पहिला इलेक्ट्रिक व्हेईकलपर्यटन उपक्रम लाँच केला. याप्रसंगी जीटीडीसीचे संचालक मंडळ, पर्यटन आणि जीटीडीसीचे अधिकारी व इतर मान्यवर उपस्थित होते.

गोवा पर्यटन विकास महामंडळाचा बी लाइव्ह’ हा इलेक्ट्रिक व्हेईकल (ईव्ही) पर्यटन उपक्रम ‘अर्किस टुर्स प्रा. लि. यांच्याशी केलेल्या भागिदारीच्या माध्यमातून अमलात येणार असून तो शाश्वत पर्यटनाच्या दिशेनेमहत्त्वाचे पाऊल ठरेल. यामुळे पर्यटकांना गोवा पर्यावरणपूरक आणि ट्रेंडी पद्धतीने नव्या माध्यमातून जाणणं व अनुभवणं शक्य होईल.

श्री. मनोहर आजगांवकर, माननीय पर्यटन मंत्री, गोवा सरकार म्हणाले, ‘अर्किस टुर्स प्रा. लि. यांच्या सहकार्याने‘बी लाइव्ह’ हा भारतातील पहिला इलेक्ट्रिक व्हेईकल पर्यटन उपक्रम जाहीर करताना आम्हालाअभिमान वाटत आहे. शाश्वत पर्यटन हा आमच्या प्रयत्नांच्या गाभा असून भारतात ईव्ही यंत्रणा तयार करून इतरांसाठी आदर्श घालून देताना आम्हाला आनंद होत आहे. पर्यावरणात सकारात्मक बदल घडवणारेतंत्रज्ञान आणि उद्योगांना आम्ही पाठिंबा तसेच चालना देतो. देशातील विविध पर्यावरणपूरक पर्यटन उपक्रमांचे नेतृत्व गोवा करत असून अर्किस टुर्स प्रा. लि. बोरबर झालेली भागिदारी हे आमचे शाश्वत पर्यावरणसाध्य करण्याच्या दिशेने टाकलेले मोठे पाऊल आहे. ठाम हेतू असलेले बरेच उपक्रम सादर केले जात असतात, मात्र त्यामध्ये स्थानिकांना सक्षम करून सामाजिक भागिदारी सुधारण्याची क्षमता अभावानेच आढळूनयेते. बी लाइव्हद्वारे उपलब्ध केल्या जाणाऱ्या सहलींमध्ये स्थानिक समाजाचा सहभाग असल्यामुळे आमचे संबंध त्यांच्यासाठी जास्त अर्थपूर्ण ठरतील.’

गोवा पर्यटन विकास महामंडळ लिमिटेडचे (जीटीडीसी) अध्यक्ष श्री. दयानंद सोपटे म्हणाले, ‘भारतातील पहिला इलेक्ट्रिक व्हेईकल (ईव्ही) पर्यटन उपक्रम – बी लाइव्ह लाँच करण्यासाठी अर्किस टुर्स प्रा. लि.शीभागिदारी करताना आम्हाला आनंद होत आहे. वाहनांमधून होणाऱ्या उत्सर्जनाचा धोका आणि त्यामुळे गोव्याच्या वायू प्रदूषणात टाकली जात असलेली भर लक्षात घेता ईव्ही पर्यटन कार्बनचे प्रमाण कमीकरण्यासाठी भरीव मदत करेल. हा क्रांतीकारी उपक्रम आहे, जो पर्यटनाचा सखोल अनुभव घेतानाच प्रवासाची हरित साधने पुरवेल. यामुळे स्थानिक समाज सक्षम होईल आणि आपल्या प्रत्येकासाठी हरित भविष्यघडवण्यास मदत होईल.’

अर्किस टुर्स प्रा. लि. हे भारतात इलेक्ट्रिक व्हेईकल पर्यटनाचे प्रवर्तक आहेत आणि त्यांनी भारतातील पहिली ईव्ही पर्यटन यंत्रणा- ‘बी लाइव्ह’ उभारण्यासाठी जीटीडीसीशी भागिदारी केली आहे. या उपक्रमामध्ये ई- बाइकवरून भ्रमंती करत स्थानिक संस्कृती, इतिहास आणि गोव्याचा वारसा सहजपणे समजून घेता येईल. या ई बाइक्समध्ये अत्याधुनिक वैशिष्ट्ये देण्यात आली असून त्यात जीपीएस ट्रॅकर, २५ किमी वेगदेण्यासाठी बॅटरीवर चालणारी मोटर, जास्त सुरक्षेसाठी इलेक्ट्रॉनिक डिस्क ब्रेक यांचा त्यात समावेश आहे. पर्यटक तसेच स्थानिकांना आता गोवा जास्त हरित व प्रदूषित न करणाऱ्या मार्गांनी पाहाता येणार आहे.

‘बी लाइव्ह लाँच करण्यासाठी जीटीडीसीने दिलेल्या पाठिंब्याबद्दल आम्ही कृतज्ञ आहोत. प्रवासी वाहनांमुळे होणारे प्रदूषण आणि कोंडी गोव्यासाठी चिंतेचा विषय झाली होती आणि सहजपणे प्रचलित होऊ शकणाऱ्याशाश्वत पर्यावरण पद्धती वापरात आणणे गरजेचे होते. बी लाइव्हद्वारे आम्ही लोकांना प्रवासाची हरित साधने वापरत अस्सल स्थानिक अनुभव घेण्यासाठी मदत करत आहोत. बी लाइव्हद्वारे दिल्या जाणाऱ्याप्रत्येक प्रयोगशईल सहलीमध्ये स्थानिक समाजाला सहभागी करून घेण्यात आले असून त्यामुळे पर्यटकांना अस्सल गोवन संस्कृतीचा आनंद घेता येईल,’ असे समर्थ खोलकर, मुख्य कार्यकारी अधिकारी आणि सह- संस्थापक, अर्किस टुर्स प्रा. लि. म्हणाले.

या सेवेच्या तंत्रज्ञानाबद्दल अर्किस टुर्स प्रा. लि.चे सीओओ आणि सह- संस्थापक संदीप मुखर्जी म्हणाले, ‘बी लाइव्हचे प्रमुख वैशिष्ट्य म्हणजे तंत्रज्ञानाचा स्मार्ट वापर. बीलाइव्ह.कं.इन प्लॅटफॉ४मवर प्रवाशांनाडिजिटल करन्सी वापरून सहजपणे सहलीचे आरक्षण करता येते. वेब अपच्या मदतीने रायडर्सना सहलीशी संबंधित रियल टाइम माहिती दिली जाते. ई- बाइक्स अत्याधुनिक आणि प्रत्येक चार्जवर ५० किमीची रेंजदेणाऱ्या असून त्यात मल्टी इन्फो डिस्प्लेसाठी डिजिटल स्क्रीन्स आणि सुरक्षिततेसाठी डिस्क ब्रेक्स देण्यात आले आहेत. आमचे कमांड सेंटर्स जीपीएस ट्रॅकरच्या मदतीने रायडर्सवर देखरेख करते. यामुळे बी- लाइव्हपर्यावरणपूरक आणि त्याचबरोबर देशातील सर्वात स्मार्ट पर्यटन बनते.’

तर वैशिष्ट्ये

• चार्जिंग पॉइंट्स आणि कम्युनिटी सेंटर्स म्हणून ई- हब्ज. ई हब हे स्मार्ट हब आहे, ज्यामध्ये मोफत वाय- फाय, पर्यटकांसाठी सेवा आणि गोव्याची इत्थंभूत माहिती असलेला गाइड या सुविधा देण्यातआलेल्या आहेत.

. सहली आणि भाडेशुल्कावर वापरण्यासाठी स्मार्ट आणि डिजिटल पद्धतीने कनेक्ट करण्यात आलेल्या इलेक्ट्रिक सायकल्स प्रमुख पर्यटनस्थळी उपलब्ध करण्यात आल्या असून त्याद्वारे पर्यटकांच्यासुरक्षिततेवरही भर देण्यात आला आहे.

.  खास तयार करण्यात आलेल्या प्रयोगशील सहली स्थानिक वाटाड्याच्या मदतीने गोव्याचा अस्सल आणि सखोल अनुभव देतील.

    ई टुर रेंटलई- बाइक भाडेतत्वावर घेऊन स्वशोधाच्या सहलीला जाता येईल व दरम्यान टेक प्लॅटफॉर्म ऑडिओ कमेंटरीद्वारे तुमची संगत करेल. प्रत्येक ठिकाण हे जिओ फेन्स्ड असल्यामुळे तुम्हीसंबंधित प्रत्येक ठिकाणाच्या पुढे गेल्यानंतर कंटेट उपलब्ध करून देईल. सहल आरक्षित करण्यासाठी लॉन ऑन करा http://blive.co.in/